عنوان الموضوع : حب الشباب تم الاجابة
مقدم من طرف منتديات العندليب

انا فتاة عدي حوالي 7سنوات وانا نعاني من حب الشباب عمري 17 كرهت روحي نهائيا وانا كل ليلة مع الكريمات والمشكل اني بيضاء ويبانو لي طراس وكي حبست الكريمات ورجعت نقرى للثانوية راكم علابالكم اللي يجي عاقب عنك يتبسم ويستشفى فيك عدت كل يوم روح نبكي هوما كامل وجوهم مرايات حتى الذراري وليت نتقلق بزاف وقلت منزيدش نروح نقرا سمعت بالدواء اسمو الكوراكني يشكرو فيه بزااف بصح مخاطر نتاعو كثر من الفوائد اللي يعرف واحد مجربو ولا جربو يفيدني الله يستركم ويعطيكم ما تتمناو راني مليت وكرهت روحي وليت ستنى غير في روحي وقتاش يجي غدوا و نكبر ونتهنى


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله وبركاته أختي

تحدثتي ع كوراكني وقلتي شكروها لانك متبعة مثلنا المحرف

اسال المجرب ومتسالش الطبيب ولي أصل المثل اسال المجرب ومتنساش الطبيب

أ؟ختاه نصيحة لوجه الله أخطيك من الكريمات ومشتقاتها راهي غير تزيد عليك

كاين طبيب مختص في الامراض الجلدية بولاية سطيف

مكانش واحد راح ليه من أجل حب الشباب ومارجعش وجهو مراية

ولست هنا للتشهير بالطبيب لكن شهادة الجميع له بالكفاءة وأكيد الشفاء بيد ربي

واياك تفكري تحبسي قرايتك وأي معلومات واستفسار راني هنا

__________________________________________________ __________

>>>> الرد الثاني :

شوفي اختي العزيزة هو لازم يتداوى بمراقبة طبيب و مام تكبري انا مرت خويا قاتلي راح نهبل قالولها تتزوجي يروح راها ب 2 اولاد تباترك الله و مازال

و درك نحكيلك تجربتي بالتفصيل و نجاوبك على كوراكني
انا كان من سنوات طويلة و اكثر عام كنت اوللى جامعي تقول وجهي محروق رحت لطبيب جلد ساعدني الدواء مي تعرف العادة غير يرتاح نحبسو وحدنا و بحكم الدراسة ما عنديش بزاف وقت
المهم فاتت و بقى مرة يطلعلي مرة يروح العام اللي فات بعدما قلت تهنيت رجع بطريقة قلقتني درت * ارادة * و رحت للطبيب قالي لازم تكملي للاخير حتى و يبانلك راح لازم تكملي
3 اشهر تحسن وجهي بزاف و راح الحب مي كملت التراتمو باه نعالج اثار الحب و الحمد الله وجهي رحمة ربي

كوراكني مثلها مثل اغلب دواء حب الشباب في الاول تهيج الحب و يطلع بزاف حتى تقولي الطبيب وخذلي وجهي مي لا اداك هو العلاج و من بعد يبدا و يتحسن
هي قادرة تشيح الفم الوجه و كذا مي انا نقلك شو فيلك طبيب مختص و تبعي معاه انا كان كل شهر يبدلي استعمال الكريمات وصلت نستعمل 3 كريمات بما فيهم كوراكني كل ليلة واحدة

تبعي الطبيب للاخير و ما تفشليش و ربي يشافيك
أثقي في روحك ما تتعقدي ما والو ماراهمش يشوفو معاك انتي لي حاسة بيها .. و حتى كان يشوفو ماشي بالضرورة يشوفو مع الحب انتي لي بيدك تبيني نقطة ضعفك او تنسيها
ربي يوفقك

__________________________________________________ __________

>>>> الرد الثالث :

تساؤلي موجه الى اناييس الربيع
اريد اسم الطبيب الموجود في سطيف و اين اجد عيادته ...... و جزاكم الله كل خير.

__________________________________________________ __________

>>>> الرد الرابع :

سلااااااااامو انا الصراحة نغسل بصابون ايديال هاااايل
+++++++++++ كاين طبيب ملييييح بزااااااااااااف في خنشلة الناس كامل اتروح لعندوااا .. راهو قاري في حامعة فرنسا وعندي خبرة الله يبارك

__________________________________________________ __________

>>>> الرد الخامس :

المشاركة الأصلية كتبت بواسطة أناييس الربيع
السلام عليكم ورحمة الله وبركاته أختي

تحدثتي ع كوراكني وقلتي شكروها لانك متبعة مثلنا المحرف

اسال المجرب ومتسالش الطبيب ولي أصل المثل اسال المجرب ومتنساش الطبيب

أ؟ختاه نصيحة لوجه الله أخطيك من الكريمات ومشتقاتها راهي غير تزيد عليك

كاين طبيب مختص في الامراض الجلدية بولاية سطيف

مكانش واحد راح ليه من أجل حب الشباب ومارجعش وجهو مراية

ولست هنا للتشهير بالطبيب لكن شهادة الجميع له بالكفاءة وأكيد الشفاء بيد ربي

واياك تفكري تحبسي قرايتك وأي معلومات واستفسار راني هنا

من فضلك بنيتي...انا من سطيف...اعطينا اسم هذا الطبيب...