عنوان الموضوع : لحم بعجين او البيتزا التركية طبق جزائري
مقدم من طرف منتديات العندليب

السلام عليكم

هده وصفة تركية مشهورة و لديدة جدا و تاني مشهورة عند دول الشام و العراق بصح باسماء مخنلفة و وممكن اختلافات بسيطة في الطريقة نتمنى تعجبكم و تجربوها لان الوصفة مضمونة و الصور من مطبخي

اولا العجينة
3 اكواب فرينة
1 ملعقة اكل خميرة الخبز
ملعقتين اكل سكر
2 ملعقة اكل حليب بودرة انا مادرتش ما كانش عندي درت ربع كاس حليب سائل
ملح
ربع كاس صغير زيت او زبدة دايبة
تلمي بالماء حتى تتحصلي على عجينة طرية ما تلصقش في الاصابع تخليها تخمر لمدة ساعة

حشوة اللحم

400غ لحم مرحي
حبة بصل كبيرة
حبة طماطم كبيرة
2 قرون فلفل حار و ادا ماتحبيش الحار بدليه بالحلو
ثوم معدنوس
توابل درت قصبر فلفل احمر حلو و حار شوية كمون فلفل اسود ملح زيت 4 ملاعق
تحاولي تفرميهم ناعمين على قد ما تقدري انا قطعتهم مربعات و خلطتهم مع اللحم و من بعد رحيتهم فالرحاية تاع اللحم ماشي الروبو باش يكون عندهم نفس الحجم تقريبا و الحشوة تجي ملساء

و بعد ما تخمر لعجينة نديرولها كما البيتزا الحجم و الشكل اللي تحبيه انت كل وحدة و دوقها و الصوز توضح اكثر





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :









__________________________________________________ __________

>>>> الرد الثاني :

يعطيك الصحة ماشاء الله

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

تشهي يعطيك العافية

__________________________________________________ __________

>>>> الرد الخامس :

المشاركة الأصلية كتبت بواسطة ام تقوى 2009
يعطيك الصحة ماشاء الله


الله يسلمك ياختي شكرا على المرور