عنوان الموضوع : عندنا ياسر فلفل حلو دبرو عليا واش ندير بيه المطبخ الجزائري
مقدم من طرف منتديات العندليب

سلام اخوااتي بابا جابلنا ياسر فلفل حلو هههههه وانا معرفتش واش ندير بيه مش حابة سلطة مشوية قوليلي كاش حاجة بنينة مممممممم تسلمو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههه سلام اختي انا نموت على السلاطة المشوية
بصح تقدري ديريه محشي تقدري ترقديه ولا تبعثيلي انا منو هههههههه وهذا افضل حل

__________________________________________________ __________

>>>> الرد الثاني :

حنا نديروه شكشوكة بطماطم و التوم و فلفل دريس و تحبي تشوي الفلفل و تقطعيه مربعات أو تقطعيه خضر و تزيديلو التوم و طماطم مقطعة مربعات و فلفل دريس و ملح و تخليها طيب و تجمر من بعد عقديها بالبيض حسب الكمية

__________________________________________________ __________

>>>> الرد الثالث :

هههههه سمحيلي نسيت الزيت

__________________________________________________ __________

>>>> الرد الرابع :

اختي الكريمة تقدري ديره سلاطة مرة بنينة جربيها

تحكمي في برمة وكسكاس تغلي الماء في برمة حتان يغلى ومبعد ديري كسكاس تحكي فيه الفلفل بطبع تنحي راسوا والبدور تاعوا
تخليه حوالى 30 دقيقة ومبعد تنحيه
تقطعيه ودريلوا خل وزيت وملح وفلفل اسود وتحطيه في الثلاجة كل مرة اجبدي كولوا واقلبيه هكا حتان يخلصا

وحتي جاي رمضان كاين ديريه

في صحن وتحطي معاه زيتون اسود وشمندر و جزر

يجي بزاف هايل في الشكل والطعم

__________________________________________________ __________

>>>> الرد الخامس :

https://www.djelfa.info/vb/showthread.php?t=1329789

هذا فلفل محشي تاع ام انس
و جربي ديري حميس بطريقة جديدة مش لي موالفتها