عنوان الموضوع : سلطة البطاطا في قالب الكيك من مطبخي
مقدم من طرف منتديات العندليب

مساء الخير حبابتي اللى يحبو الكوزينة في الشتاء ويكرهو منها في الصيف


كيفييييييييييييييييييييييييييييييييييي


ههههههههههههههههههههههههههه
المهم ما نطولش عليكم هذة سلاطة جبتها من واحد المنتدى وعجبتني بزاف
اما لا قلت نذوقكم معايا نبداووو على بركة الله



جيبي بطاطا مطبوخة وارحيها وزيديلها الملح والمايونيز والفورماج وشوي فلفل اكحل وخلطيها مليح
ومن بعد حطيها في المول تاع الكيك بصح ما تنسايش تحط ورقة زبدة او المنيوم وحاولي تهزي الحواشي شوي الى الفوق شغل ديري حفرة في الوسط القالب



ومن بعد خلطي شوي روزمطبوخ و زيدي طن تاع الزيت وشوي زيتون اخضر مقطع



ومن بعد ديريه في وسط البطاطا


ومن بعد اغلقي بالحواشي تاع البطاطا



ومن بعد اقلبيها في صحن



ومن بعد زينيها كيما تحبي
وهذا هو الشكل النهائي للسلطة



وبصحتكم سلاطة خفيفة تاع زوج دقايق والهربة من الكوزينة
/I][/SIZE]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيـــــــك الصحة و الله غير فكرة مليحة إنشاء الله نطبقها شكراااااااااااااا

__________________________________________________ __________

>>>> الرد الثاني :

يعطيك الصحة اختي

__________________________________________________ __________

>>>> الرد الثالث :

هايلة اختي بارك الله فيك

__________________________________________________ __________

>>>> الرد الرابع :

الفكرة هايلة،نعطيك براءة الاختراع
ماشاء الله عليك والله غير سلاطة وعليها لكلام
يعطيك الصحة اختي ربي يفرحك


__________________________________________________ __________

>>>> الرد الخامس :

و الله فكرة رائعة مشكورة أختي