عنوان الموضوع : سلطة بيض ملون من مطبخي بصوري من مطبخي
مقدم من طرف منتديات العندليب

سلطة بريزونتابل وحاجة جديدة خلاص

جربوها كل من يشوفها رايح يطلب منك طريقة صنعها على ضمانتي
اولا نغليو بيض في ماء مع شوية خل باش مايطرطقش بيض

من بعد كي يطيب نصفيوه من ماء ونخبطوه شوية بيدينا باش قشرة تتكسر
ماشي مليح شوية برك باش نتحصلو من بعد على تموجات

نوجدو الوان الي تعجبكم انا استعملت بودرة ممكن تستعملو سائلة
ونوجدو معها 03اكياس بلاستيك

كل بيضة نديروها داخل كيس ونذوب ملون في شوية ماء ونصبو على بيضة تاعنا


ونغلقو عليهم شكارة ومرة على مرة نقلبهم على جوايه كامل ونخليهم وقت

هنا حليت عليهم شوفو كيفاش جاو


نقشروها بحذر ونتحصلو على هذا شكل الجميل جدا والملفت للنظر


هنا قدمتها مع سلطة صحية متكونة من
جزر رابي وكاين الي قصيتهم مكعبات صغار جدا
بسباس مرحي وكاين الي قصيتهم مكعبات صغار جدا
كورجات مرحي وكاين الي قصيتهم مكعبات صغار جدا
ودرت لهم صوص زيت زيتون صحي بزاف



دعوة الخير تكفيني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أعطيك الصحة أختي كيفاش حتى لونتيهم رانا نسناو في الطريقة وشكرا ليك

__________________________________________________ __________

>>>> الرد الثاني :

تم اضافة خطوات عسولة
موفقة


__________________________________________________ __________

>>>> الرد الثالث :

شيئ جديد رووووووووووووووووووعة يعطيك الصحة اختي

__________________________________________________ __________

>>>> الرد الرابع :

رووووووووووووووووووووووووووووووعة

__________________________________________________ __________

>>>> الرد الخامس :

واااااو روعة. كالعادة مبدعة يا لينا