طريقة صنع المرقاز بالصور طريقة جزائرية
عنوان الموضوع : طريقة صنع المرقاز بالصور طريقة جزائرية
مقدم من طرف منتديات العندليب
المقادير
كمية معتبرة من الثوم
كمون
هريسة
فلفلة حمراء
مثل ماراه موضح في الصورة
نحتاج كمية من اللحم المفروم الناعم انا رحيتو في الروبو
معدنوس و نفرموه ناعم
مصارن رقيقة الخاصة بالمرقاز
نخلط اللحم المفروم مع التوابل و الثوم و المعدنوس المفروم و الثوم المفروم مثل ماراه موضح في الصورة
بعد ما نكونو نضفنا المصارن ندخلو راس المصران في لمبوط يكون راسو صغير نقدرو ندخلوه في المصران و نضع خليط اللحم داخله و ندخل ببطئ مثل ما راني موضحة في الصور
بعد ما يطوال المصران نبدا ندور و نصنع نقانق صغار حسب الحجم اللي تحبوه و هادا هو شكلها
و ما نقطعوهش حذاري ونثقبوه بإبرة باش يدخلو طياب و ما ينفجرش علينا
نديروه على طاجين مع شووووية زيت فقط لانو راح يخرج دهون
و كي يدخلو الطياب نقسموه و هو في الطاجين و نخلوه يكمل طيابو
و كل واحدة و كيفاش تحب اتقدموا
تحبي تحضريلو صلصة طماطم كيما درت انا او تقدميه هاكدا او تقدميه بطريقة اخرى مثل طريقة الاخت الغالية ام رامي لفاتو بالدجاج لكي الاختيار
و هاهو واجد
صدقوني ذوقه رائع و يكفي انك تخدميه في المنزل و تربحي صحتك و تفرحي عائلتك لانو راه يجي مشري و كأنه اسفنج و ما نعرفوش حتى بواش يحشوه ربي يسترنا و يحفظ كل المسلمين
ان شاء الله انكون اتوفقت في الشرح
و السلام عليكم و رحمة الله تعالى و بركاته
كلمة شكر ودعوة خير تكفيني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياجماعة والله غير قتلتونا بالشر هههههههههههه
__________________________________________________ __________
>>>> الرد الثاني :
ههههههههههههههههه الحق فيا ندخل
__________________________________________________ __________
>>>> الرد الثالث :
Merci
شكـــــــــرا ً
و بارك الله فيك على المجهود وعلى الموضوع القيم
كل سنة وأنتم بخير..
.جزاك الله خيرا
و رمضان كريم
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
ya3tikkkkkk wallah essa7a ou5ti l3aziza
رد مع اقتباس
