عنوان الموضوع : كيش بالبوارو و السلمون المدخن سهل و ما ينشبعش طبق جزائري
مقدم من طرف منتديات العندليب

السلام عليكم اخواتي
نبداو بالعجينة المكسرة
300غ فرينة
150 غ زبدة طرية
نصف ملعقة صغيرة ملح
5 سلل ماء او حليب دافئ
( 3 ملاعق كبيرة سكر للوصفات الحلوة )
بالنسبة للحشو
3 او 4 بوارو
بصلة
180 غ او 200 غ سلمون مدخن
حبتين بيض
50 غ جبن غرويار رابي
20 سلل قشدة طرية
شوية ملح ما تكتروش لانو السلمون المدخن يجي مالح
فلفل اسود , زعتر و ريحان ادا وجد
مغرف كبيرة زيت زيتون
كاس ماء في حالة عدم استعمال الميكرواوند لطهي البوارو و البصل
طريقة التحضير
بالنسبة للعجينة المكسرة
اولا لازم الزبدة تكون طرية و ادا نسيتوها في الثلاجة ديروها شوية في الميكرواوند باش تطرى
في اناء ضعي الفرينة و الملح اضيفي الزبدة الطرية المقطعة الى قطع و خدموا بالاصابع لازم الزبدة تكون كامل في الفرينة لميها بالحليب او الماء و شكليها كرة
لتسهيل عملية سطح العجينة ضعيها بين ورقتين سولفوريزي sulfurisé و سطحيها بالرولو و ضعيها في الصينية الخاصة بالكيش و اثقبيها بالشوكة
سخني الفرن 180درجة و دخليها لمدة 15 دقيقة
بالنسبة لطهي الحشو
اغسلي البوارو و قطعيه دوائر و قطعي البصل شرائح ضعيهم في اناء و غطيهم باناء اخر و دخليهم للميكرو اوند يطيبو 5 دقائق ادا لم تستعملي الميكرواوند فالطريقة عادية
بعد ما دبال البورو و البصل اضيفي فلفل اسود و القليل من الملح و الزعتر الريحان و السلمون المقطع الى شرائح طويلة
اضيفي عليهم البيض بعد ما اخفقناه مع الكريمة الطازجة و الجبن المبشور نخلط الكل
في الاخير نضع هدا الخليط فوق العجينة بعد ما طابت شوية برك لانو غادي نكملولها طيباها مع الحشو لمدة 25 دقيقة



و شهية طيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة ام ايوب راني نتخيل في الطعم ممممم
شكرًا حبيبتي

__________________________________________________ __________

>>>> الرد الثاني :

بارك الله فيك اختي جور دعوة تسلمي حبيبتي

__________________________________________________ __________

>>>> الرد الثالث :

اممممممم يعطيك الصحة زوج مكونات نبغيهم بزاف

__________________________________________________ __________

>>>> الرد الرابع :

المشاركة الأصلية كتبت بواسطة lilouchaf
اممممممم يعطيك الصحة زوج مكونات نبغيهم بزاف

الله يسلمك اختي صح يجو بنان للاتنين

__________________________________________________ __________

>>>> الرد الخامس :

رووووعة ام ايوب وصفاتك يعجبوني ماشاء الله