عنوان الموضوع : DIOUL sans gluten أول مشاركة لي طبق جزائري
مقدم من طرف منتديات العندليب

السلام عليكم صح رمضانكم كل عام و أنتم بخير


تشجعت كي شفت واحدة من الأخوات حطت وصفة للديول فقلت نشارك بالطريقة تاعي هي نفسها للديول العاديين


المقادير : 2 ملاعق طحين الأرز بدون غلوتين
1 ملعقة مايزينة + 1 ماعقة نشاء التابيوكا أو ممكن تعوضيها بالمايزينة.


كيليهم في كاس وزيدي نفس الكيلة ماء
خلي الخليط يرتاح نصف ساعة
حطي مقلة تيفال تسخن مليح على نار قليلة ثم بالفرشاة حطي خليط على كل المقلة اغلقي كل الثقوب وخلي حتي الحواف تتنحى وحدها مثل الديول العاديين

الان سر نجاحهم انك تدهنيهم على الجهتين بفرشاة اخرى عليها زيت لما يطيبو وتحطي بيناتهم اما اكياس بلاستيكية نظيفة او ورق مشمع. كل ما تطيبي واحدة دريلها الزيت وحطيها مع الاخرى مفصولين طبعا عن بعضهم
لما تكملي خبيهم في كيس حتى تحشيهم و تقليهم

ملاحظة: هده المقادير تعملك كمية صغيرة جدا
لما تقليهم رايحة تلاحظي انهم ما يتحمروش مثل العاديين يطولوا شوية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

mrçççççççççççççççççççççççççççççççççççççççççççççççç çççç

__________________________________________________ __________

>>>> الرد الثاني :

بارك الله فيك الوصفة ستفيد مرضى السيلياك ياريت تفيدينا بوصفات غالية من الغلوتين واجرك على الله

__________________________________________________ __________

>>>> الرد الثالث :

بارك الله فيك
تسلم الايادي
انا صاحبة الوصفة لديول بدون غلوتين
فرحت كتير كي شفت موضوعك
جزاك الله خير
وعلى فكرة
راهم ما يصلحوش بالمايزينة وحدها
او حتى خليط المايزينة وفرينة الارز
هاد بتجريبتي وهادي الصورة

لكن في الوصفة لي حاطتها استعملت فرينة الارز فقط
و انا قليتهم كي البوراك نتاعنا العادي
جاو كروستيو
زدت درت بحث في ما يخص هادو الاوراق لي يستهلكهم الجنس الاصفر بكثرة
ولقيت انهم كي يحشوهم يديروهم يطيبو على البخار
باش يبقاو طريين
تحسيهم كي لي كراب رولي ببنة الارز
وحتى قبل ما يحشوهم يخلو الاوراق تفور بعض الوقت لتفادي انها تتقطع وقت لي تحشيها
حقيقة المطبخ الصيني عالم اخر
بارك الله فيك مرة ثانية
وصح فطورك حبيبتي

__________________________________________________ __________

>>>> الرد الرابع :

صح فطووووركم


__________________________________________________ __________

>>>> الرد الخامس :

يعطيك الصحة نظيرة
، المرة الجاية حطي الصور!!!!! نزيدو نخدموك شوية هههههه