عنوان الموضوع : سلاطة الفلفل المقلي المطبخ الجزائري
مقدم من طرف منتديات العندليب

السلام عليكم و رحمة الله و بركاته
واش راهم الجلفيات الشاطرات
اليوم جبتلكم سلطة بسيطة جدا و بنييييينة برشة برشة على قولة أنا أمهم
و هي سلاطة الفلفل المقلي
بالنسبة للمقادير
فلفل حلو
فلفل حار
طماطم
مغرفة صغيرة ثوم مرحي
الزيت الزيتون أو زيت عادي


في البداية نقلي الفلفل الحار و الحلو و نقشره و نقطعه رقيق


و نزيد نقطع الطماطم و هي نية مربعات و طبعا بعد ما نقشرها و نضيفها للفلفل و نزيد مغرفة صغيرة تاع الثوم و الزيت الزيتون أو الزيت العادي و ما ننسوش الملح
و نخليها تبرد و نقدمها مع الفريت أو دجاج أو سردين كيما أنا







ممكن كاين اللي يعرفها و اللي ما يعرفهاش هاهي ساهلة أسهل من المشوية و تقدري تقلي كمية مليحة من الفلفل و تملحيه و تحطي في الكونجيلاتور و كي تحتاجي قطعي فقط الطماطم و ضيفيها و خصوصا في رمضان
نتمنى تعجبكم و تجربوها لأنها سهلة و كيما قلتلكم بنينة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذه السلاطة نديرها ونحبها يعطيك الصحة على المجهوووووووووووووووووود

__________________________________________________ __________

>>>> الرد الثاني :

نموت على سلاطة الحار حسب علمي يخدموها القبايل بهذا الشكل .........سلمت يداك

__________________________________________________ __________

>>>> الرد الثالث :

سهلة وبنينة تليقلي شكرا

__________________________________________________ __________

>>>> الرد الرابع :

تسلم الايادي حارة تشهي

__________________________________________________ __________

>>>> الرد الخامس :

أكيد من عند الغالية بنينة