عنوان الموضوع : جديد و قديم
مقدم من طرف منتديات العندليب

جديدوقديم
السلام عليكم ورحمة الله وبركاته
حبيت اليوم وبما اننا على ابواب عيد الاضحى المبارك اعاده الله علينا بلخير و اليمن و البركات قلت حبيت نحط موضوع يتكلم عن الاكلات التقليدية وكيف تم تطويرها وكل وحدة تدخل وتورينا شطارتها وانا اول وحدة باش نعطيكم فكرة على الموضوع
البو زلوف الطريقة القديمة
بعدما تشوطيه وتغسليه اما تقطعيه وتوضعيه في قدر ماء وملح وفلفل تخليه يطيب ومن بعد تفصيه وتقطعيه اما دريه سلطة او تعمليلو لاصوص حمرة با لحميصة او الزيتون او تفوريه وتحمريه مجمول في الفور
الطريقة الجديدة
تشوطيه وتغسليه مليح وتعمليلو تتبيلة مكونة من الاتي =ملح فلفل اسود فلفل ابيض كمون زعفران حبة حلاوة زعتر جاف قسبر ومعدنوس زنجبيل ثوم وبصل وحرور احمر جاف او الي عندك ملعقتين سمن نصف ذائب وتحطي فيهاالراس مجمول وترمديه مليح غطيه وخليه بعد ما تشلضيه بلموس عير الجلدة باش تتغلغل التتبيلة فيه اعملي عجينة بدون ملح اوضعي الراس في كسكاس وغطي الكسكاس بلعجينة وغلقيه مليح باالعجينةحطيه فوق قدرتو الي فيها ماء واغلقي ما بين الكسكاس و القدر ايضا بالعجين وتركيه يفور حتى يطيب مليح وضعي غطاء فوق عجين الكسكاس نسيت قبيل ما قلتش عليه من بعد ما يطيب تحبي تحمريه مجمول او تعمليه مسحب كيف الجاج ولا الكتف واذا حبيتو الطريقة راني في الخدمة ملاحضة لما تحمريه مين ذاك افتحي الفور وسقيه بالتتبيلة الي بقات واذا حبيتي اوضعي تحتو بلا فيه ملح خشن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام عليكم والله يعطيك الصحة على طريقة
حنا ماعندناش نديرو بزلوف في لعيد يتخمنا ومانكلوهش نديروه في براد حتى تفوت يمات ونطيبوه كيما راكي تقولي تماما
عندا نهار لول للفطور نديرو الكبدة ملفوف ودوارة مرقة صولو كيما نقولولها ولعشا نورمال لخطرش كبشنا يتقطع حتي غدوة صباح ومن بعد نعجبو بيه ههههههههه كل واحد وشايبغي
وصح عيدك وكل عام وانتي بخير

__________________________________________________ __________

>>>> الرد الثاني :

شكراعلى مرورك العطر وعلاش يتخمكم ختي احنا نهار العيد ناكلو الشوى و الملفوف واللحم مشوي على الجمر بختصار نهار كامل وحنا نمضغو ههههههههه وما يصرالنا والو والحمد لله ونكملو بالرقبة جواز في الليل بالجلبانة و القرنون والزلوفبطريقة الي وريتلكم ولكن تعرفي زوج اختي ثاني يقوللها كيفاش ماليك ما يتخموش شريكة قادرة هههههههههههههه

__________________________________________________ __________

>>>> الرد الثالث :


__________________________________________________ __________

>>>> الرد الرابع :


__________________________________________________ __________

>>>> الرد الخامس :