عنوان الموضوع : طريقة التليتلي ارجوكم ساعدوني طبخ جزائري
مقدم من طرف منتديات العندليب

صح رمضانكم
حبيت نطيب تليتلي مي منعرفش كيفاش نتمنى منكم تورولي الطريقة و تخبروني
ماتحلوهاش في قلبي هههههههههههههههههه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي اختي درك نقولك طريقتي ويجي مليح يهبل

ديري حبة بصلة كبيرة مع الثوم حسب الذوق تاعك والفلفل اسود واللحم ولا الجاج والزيت والحمص والفلفل حار
وقليهم مليح كي تذبل البصلة ديري الطماطم ملعقة اكل وزيد خليهم يتفلاو ومن بعد مرقي الماء السخون
من بعد ديري التليتلي في كسكاس وديريلو الزيت
وكي تغلي المرقة حطيه يفور كي يفور وخلاص اغسليه بالماء وقطريه وملحيه وخليه ينشف ورجعيه يفور
كي يفور ويخلص نحيه وزيدي بليه بشوية ما مش بزاف وكي ينشف رجعيه يفور
وخليه يطول شوية في الفوران باش يطرالك
من بعد كل فورة ديريلها شوية زبدة ورجعيها تفور كي يطرا صفي المرقة وجمريه مع شوية زبدة
وقدميه وديري فوقو الحمص والبيض مشرشم

__________________________________________________ __________

>>>> الرد الثاني :

تليتلي 500 غ ، قطع دجاج ، بصلة كبيرة ، 4 فصوص ثوم ، زبدة
قليل من الزيت ، ملح ، فلفل اسود ، توابل مشكلة ، حبية طماطم ، 2 ملاعق كبيرة طماطم مركزة
ملعقة صغير سكر ، حفنة حمص منقوع بالماء ، ماء للتريق وحبة فلفل
التحضير
نرحي البصلة والثوم ونضعهم في قدر الطبخ مع قطع الدجاج التوابل الفلفل الاسود والملح
ونقليهم في 5 ملاعق كبيرة زيت وملعقة سمن ان لم يكن ممكن استعمال الزبدة
حوالي 5 دقائق ومن الافضل حتى يتحمر الدجاج لانه سيعطي طعم افضل

نرحي الطماطم ونضيف لها المصبرة وملعقة السكر ونحلهم في قليل من الماء

ثم نضيفهم ونضيف معم الحمص ونمرق بكاس من الماء

ونتركهم على النار مدة 7 دقائق
بعدها نضيف كمية معتبرة من الماء كما في الصورة ونتركهم على نار متوسطة
ممكن نصف ساعة وفي الدقائق الاخيرة نضيف فلفلة حار لمن يرغب في ذلك

وفي هاته الاثناء نحضر التليتلي
نضعه في ( قصعة ) وندهنهم بقليل من الزيت

ونجمعهم في الكسكاس ونضعه على القدر حتى يفور
( التفوير يكون على القدر الموجود به الصوص)

نلاحظ صعود البخار وهذا يدل
ننزعه من القدر
في العادة التفوير يكون 5 مرات حتى يطرى التليتلي لكن لي طريقة سريعة
وهي سكب الماء الممغلي عليه عدة مرات ومن ثم نقعه 5 دقائق في الماء المغلي ونصفيه
ويكون طري وحباته منتفخة ولونو ابيض

نفرغه في القصعة ونضيف ه قطعة زبدة مع الخلط ستذوب فورا
ومن ثم قليل من الصوص( حوالي نص كاس) وسيتشربه بسرعة

نجمعه مرة اخرى في الكسكاس ويفور للمرة الثانية والاخيرة

ندهنة مجددا بقطة زبدة





ونسقيه بالصوص نكثر قليلا الصوص كاسين او اكثر
ونجمره على النار حتى ينشف


ويقدم مزين بالبيض المسلوق وقطع الدجاج






ان شاء الله تستفادي


__________________________________________________ __________

>>>> الرد الثالث :

صحيتو بزاااااااااااااااااااااااااااااف يا اخواتي الله يجعلها في ميزان الحسنات

__________________________________________________ __________

>>>> الرد الرابع :

العفووووووووو

__________________________________________________ __________

>>>> الرد الخامس :

جربي طريقتي يجي يهبل وبنين
https://www.djelfa.info/vb/showthread.php?t=1033396