عنوان الموضوع : ~*¤ô§ô¤*~طاجين بكرات الشيفلور المقرمشة..من مطبخي~*¤ô§ô¤*~ من مطبخي
مقدم من طرف منتديات العندليب

السلام عليكم
طيبت اليوم هاذ الطاجين وحبيت نوريهولكم.
شوفو معايا اللوازم نتاع المرقة:
*لحم غنمي*02 حبات بطاطا*نصف بصلة صغيرة*فلفل(حسب الرغبة)*ملعقة معجون طماطم*زيت*ماء
للتتبيل:فلفل أسود*ملح.

وهاذو اللوازم نتاع الكرات
شيفلور منقي ومغلي *نصف بصلة مقطعة رقيق*معدنوس(حسب الرغبة)*حبة بيض*خبز يابس مرحي*حبة فرماج(حسب الرغبة)*ملح*فلفل أسود*كمون أبيض*زيت للقلي



ودرك نوريلكم طريقة التحضير...
أول حاجة :في لا كوكوط حطيت ----اللحم+البصل+الزيت+التوابل+شوية ماء.وخليتهم يتقلاو.

ومن بعد ذوبت الطماطم في شوية ماء.

ومن بعد صبيتها في لاكوكوط،ومن بعد مرقت وزدت حطيت البطاطا.وخليتهم فوق النار حتي طاب اللحم والبطاطا وخثرت المرقة.ومن بعد لحتلهم الفلفل.
.
وهكذا نكونوا كملنا تحضير المرقة
*
*
*
ونروحو درك للمرحلة الثانية واللي هي تحضير ليبولات نتاع الشيفلور.
في صحن كبير.نحطو الشيفلور.ونهرسوه بالشرفيطة.ونظيفولو:البصل+المعدنوس+الملح+التوابل+حب ة البيض+شوي خبز مرحي (قدر الحاجة باه ينشف برك).
نشكلو كويرات صغار ونديرو فيهم قطعة صغيرة نتاع فرماج(إختياري إذا حبيتي ما ديريهش)ومن بعد نرمدوهم في الخبز اليابس.ونقلوهم في الزيت.
وهذا هو الشكل النهائي...نتمنى برك يعجبكم.



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رانا نستناو ربما تكون الوصفة تعجب الاولاديحبوها خاطر يكرهو الشوفلور شكرا

__________________________________________________ __________

>>>> الرد الثاني :

بانتظارك نحن

__________________________________________________ __________

>>>> الرد الثالث :

المشاركة الأصلية كتبت بواسطة sofiane2075
رانا نستناو ربما تكون الوصفة تعجب الاولاديحبوها خاطر يكرهو الشوفلور شكرا

نشكرك أختي أم سفيان والوصفة راني كملتها.إن شاء الله تعجبك وتجربيها.

__________________________________________________ __________

>>>> الرد الرابع :

وصفة هايلة مايلة بايلة هيلولة كبيرة بنا عظيمة طربق طربييييق

__________________________________________________ __________

>>>> الرد الخامس :

يعطيك الصحة اختي علي الوصفة