عنوان الموضوع : لفائف الباذنجال .............دخلي طريقة جزائرية
مقدم من طرف منتديات العندليب

لسلام عليكم ورحمة الله تعالى وبركاته

صح رمضان حبيباتي هادا اول موضوع ليا في اقسام الطبخ وهو غراتان الباذنجال

يلا نبدى
المقادير

حبات باذنجال
طماطم انتاع الحب
حبات بطاطا
حبات زيتون الخضراء
شوية انتاع لحم البوراك
ثوم ملح فلفل اسود كمون قصبر
فرماج
حبات بيض
طماطم معجون
كيفية التحضير
نسلقو البطاطا في الماء المملح ونخرجوها ونطحنوها ونبلوها بشوية حليب وشوية زبدة ونطحنوها ونتبلوها بالملح والفلفل الاسود

نزيدو ليها الزيتون المقطع رقيق وشوية اللحمو الفرماج و نزيدو نطحنو باش تتجانس النكهات ونخليوها على جنب

نقلي الباذنجان المقطع طوليا في الزيت والملح والفلفل الاسود

نطيبو صوص طماط نرابو بصلة صغيرة ونزيدو نرابو طماطيشة ونزيدو شوية فلفل احمر ونقليوه مليح مليح ونزيدو الماء وطماطم المعجون والثوم والملح والكمون والفلفل الاسود

نجيبو شريحة الباذنجال ونحطو شوية بطاطا على الطرف و نلفوها ونكمل مع باقي الحبات

نجيبو بلاطو انتاع الفور نصب فيه شوية صوص طماط في القاع ونرص اللفائف

ونصبو فوقهم صوص طماط ونضربو حبات بيض ونضبو فوق اللفاءف

وندخلوه للفرن حتى ينشف ونخليكم مع الصور


هنا درت صوص

]

هنا بعد ما ضفت البيض

شوفو النتيجة واوووووووووووووو



زوووووووووووووم




ملاحظات

اولا انا اعلم اني صغيرة في السن مقارنة بكم ولكن صدقوني اني دخلت المطبخ منذ ان كان عمري 11 سنة
ثانيا لم اكتب عدد الحبات لان كل عائلة على حسب افرادها
رابعا اتمنى ان تجربوها وتردو ليا الخبر
خامسا عندما جربتها لاول مرة لم اضع الزيتو و اللحم ولكن البارح كان باقي شوية اللحم من البوراك وشوية الزيتون من الطاجين فقلت خليني نزيدهم ونشوف وكانت النتيجة مدهشة
كرات البطاطا الي فلووسط مدرتلهمش البادنجال باسكو خاوتي صغار ميحبوهش

وكل الشكر موصول لام رامي لعزيزة على موضوعها حول تحميل الصور
وا
تمنى ان ارى كثير من الردود لاتشجع واضع باقي الاطباق
دمتم في رعاية الله وحفظه صح فطوركم
اتمنى ان تعجبكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا حنونة بصح شوقتيني باش نعرف عمرك اشحال في عمرك؟؟؟؟؟؟؟؟؟

__________________________________________________ __________

>>>> الرد الثاني :

السلام عليكم
يعطيك الصحة شهيتينا
صح فوركم

__________________________________________________ __________

>>>> الرد الثالث :

يعطيك الصحة و المطبخ لا يحتاج للعمر بل يحتاج للإبداع و راني نشوف فيك مبدعة ما شاء الله راح نجربها و ندعيلك و صح فطورك

__________________________________________________ __________

>>>> الرد الرابع :

المشاركة الأصلية كتبت بواسطة sasafede
شكرا حنونة بصح شوقتيني باش نعرف عمرك اشحال في عمرك؟؟؟؟؟؟؟؟؟

انا دخلت كوزينة كي كان عمري 11 سنة وعمري الان 17سنة وهاد لغراتان درتو من الي كان عمري 14 سنة

__________________________________________________ __________

>>>> الرد الخامس :

المشاركة الأصلية كتبت بواسطة احبك ربي"تقاء"
السلام عليكم
يعطيك الصحة شهيتينا
صح فوركم

مشكورة حنونتي صح جربيها وردي ليا لخبر