عنوان الموضوع : طبق حمص دوبل زيت طبخ جزائري
مقدم من طرف منتديات العندليب

اليكم هذا الصحن حمص بزيت الزيتون في هذا البرد القارس

لكان عجبكم نحطلكم الطريقة بالتفصيل

وصدقوني لذيذ جدا


الطريقة

تنقعي الحمص في ماء دافي الصباح تحطيلها ماء جديد بدون لاملح لازيت لا اي اضافة كانك رايحة تسلقيها وتغلقي عليها في الكوكوط مدة ساعة اوساعة غير ربع حسب نوعية الحمص تاعك كي تحلي عليها شوفيها الا مازالت ماشي ذايبة حطيلها نصف كيس خميرة الحلوي لالفير وملحيها وحطيلها زيت الزيتون ونقصيله النار تكون هادئة حتى تطيب مليح وتذوب ماشي تذوب خلاص بصح راكم فاهمين المعنى (انا شخصيا نحبها ذايبة)
امبعد تداويها : ملح فلفل اسود راس الحانوت وكمون بزيادة شوية وتحطي بصل مقطع وثوم مرابي وتخليها تغلى شوية حتى يدخلها الملح ويذوب البصل والثوم

امبعد كي تجي تحطيها في طبق التقديم حطي زيت الزيتون فوق الحمص في الوسط وذرري الكمون الطازج يعني يكون نوعية مليحة رائحتو زكية وذرري البصل من الفوق واللي ميحبش طعم البصل ميحطش وطبعا الهريسة ثاني تخليه بنين
وشهية طيبة راهو لذيذ جدا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك أنا أحب كثيرا هذا الطبق و مشهورا جدا في مداوروش ( سوق أهراس) و احنا نحبوه حار

__________________________________________________ __________

>>>> الرد الثاني :

نحبو نموت عليه بصح ما يجينش كما تاع القسنطينيين

ممكن طريقة التحضير

راهو يشهي

__________________________________________________ __________

>>>> الرد الثالث :

شكرااا بارك الله فيك

__________________________________________________ __________

>>>> الرد الرابع :

اول مرة نسمع بيه و نشوفو
بصحتكم

__________________________________________________ __________

>>>> الرد الخامس :

awal mara nassma3 3ih madabik okhti twarina tarika w machkoura mousbakan