عنوان الموضوع : خبيزات مقلية ومحشية طبق جزائري
مقدم من طرف منتديات العندليب

السلام عليكم
هاذ الخبزات عبارة عن سندويتشات ساهلة وبنينة والاهم انها مخدومة فالدار و نضيفة
بسم الله نبداو
المقادير:
500غ فرينة
م.ك خميرة فورية
ملح
2بيض
نصف كاس حليب
زيت للقلي
الحشو:
نصف فنجان هريسة مخففة بالماء

3بيضمغلى
مايوناز
اوراق خس
فصوص طماطم
مربعات من ابيض الدجاج مشوي

الطريقة
نخلط كل المقادير الجافة ثم نضيف البيض+الحليب دافى ونعجن ونضيف ماى دافى اذا لزم الامر
نعجنها شوي حتى تطرى نحطها في كيس نايلون في مكان دافى30د
في مقلاة نضع مقدار من الزيت على نار قليلة نقسم العجينة الى كويرات صغيرة ونشكلهم خبيزات صغار نكمل كل العجينة نتركها ترتاح 10د ونحمرها في الزيت
نقطرها ونفتحها طوليا ونرشها بسائل الهريسة ونحشيها واللي تحب الكاشير تطيبو في البيت وتضيفو للحشو او الجاهز لاباس
في الاخير اعملي خطوط بالمايوناز فوق الحشوة وقدميها في صن مستطيل مفرش باوراق الخس
الاطفال ايحبو بزاف هذا الخبزات لكن بدون هريسة


سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة انا نموت عليهم ديجا فكرتيني بيهم لازم نديرهم شهيتيني

__________________________________________________ __________

>>>> الرد الثاني :

اختى كون درتى التصاور وشكرا لك على المعلومة

__________________________________________________ __________

>>>> الرد الثالث :

شكرا يعطيك الصحة

__________________________________________________ __________

>>>> الرد الرابع :

يعطيك الصحة

__________________________________________________ __________

>>>> الرد الخامس :

اسفة مانقدرش اندير ليفوطو حتي اتكون مشاركاتي اكثر من 30 مشاركة
شكري وامتناني لكل العضوات اللي منوا علي بردودهن