عنوان الموضوع : hachis parmentier من مطبخي من مطبخي
مقدم من طرف منتديات العندليب


السلام عليكم ورحمة الله تعالى وبركاااته

hachis parmentier
خفيف وبنين
المقادير
بصلة ثوم حبة زرودية فلفل اكحل توابل مشكلين حسب الرغبة
شوي زبدة لحم مفروم وبطاطا جبن مبشور وجبن قطع
نرابي الزرودية والبصلة ونقلوهم في شوي زيت وزبدة ملح فلفل اكحل وتوابل
وكي يذبالو مليح نزيدو لافيونداشي ونخلوها تتقلي وطيب على نار خفيفة


نطيبو البطاطا مشرشمة في الماء والملح
نقشروها ونهرسوها ونزيدوها قطعة جبن من اي نوع
وشوي حليب المهم تبقى ثقيلة وماترجعش جارية

نوجدو بيركس الي نطيبو فيه
ندهنوه بشوي زبدة ونرشو عليه شابلير
ونحطو عليه طبقة بطاطا في الصورة تبان من تالي نسيت نصورها
وهذيك لافيونداشي تاعنا مقلية مليح

من بعد طبقة تاع اللحم المرحي
وطبقة اخرى تاع بطاطا

واخيرا الفرماج رابي

وندخلوها للكوشا طيبلنا مليح حتى تتحمر
وهذا شكلها
من الداخل اللحم يبان في وسطها

زوووم عليها


ان شاء الله تعجبكم
بالصحة على كل من راح يجربها
لاتنسوني من دعوة خير






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرااااااااااااااااااااااااااااااااااااا يعطيك الصحة هاااااااااااااااااااايلة

__________________________________________________ __________

>>>> الرد الثاني :

العفو نورتي

__________________________________________________ __________

>>>> الرد الثالث :

يعطيكي الصحة أختي
بارك الله فيكي على الوصفة
تحياتي

__________________________________________________ __________

>>>> الرد الرابع :

امممممممممممممممممممممممممممممممممم تشهي

__________________________________________________ __________

>>>> الرد الخامس :

salamouuuuu alikoum
chokran ala wasfa chahitina