عنوان الموضوع : جلبانة من مطبخي تفضلوووو طريقة جزائرية
مقدم من طرف منتديات العندليب

واش راكم حباباتي ان شاء الله تكونو بخير او عافية اليوم و الله معولت نطيب جات جارتنا حكمت ماما بلهدرة مالا لغبتها لحرة تاع الدار

درت جلبانة بالخضر ان شاء الله تعجبكم

اول حاجة حطيت قطع دجاج في الكوكوط او رابيت حية بصلة متوسطة الحجم مع شويي ثوم او درت 3 ملاعق اكل زيت او شوي ملح او فلفل اسود



او مبعد حرركت باش تدخل التوابل في الدجاج



او مبغد خليتهم يتقلاو على نار قليلة او من جهة قصيت السنارية و لا زروطية كيما تقولولها ههه مع 2 حبات بطاطا قصيتهم مكغبات صغار او لحتهم يتقلاو شوي مع قطع الدجاج





او مبعد مرقت



بعد ماغلات لوحت الجلبانة او قفلت الكوكوط



بعد ما طابت لوحتلها قرن فلفل حار او خليتها تغلي شوي او مبعد طفيت عليها



او هاذا الشكل النهائي



او ضفتلها شوي قارس



هيا كل وحدة تقلي واش راي نتاعها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة فحلة ونص
تبان مليحة

__________________________________________________ __________

>>>> الرد الثاني :

بصحتكم خرجتلك روعة

__________________________________________________ __________

>>>> الرد الثالث :

بصحتكم
خرجتلك هايلة

__________________________________________________ __________

>>>> الرد الرابع :

بصحتك جات هايلة

__________________________________________________ __________

>>>> الرد الخامس :



كفيتي و وفيتي موضوع شامل فجزاكي الله خيرا
على هذا الجهد المبذول
بارك الله فيكي يا أحلى وردات الحقول
سلمت الأيادي