عنوان الموضوع : الاكياس الحرارية للتحمير طبق جزائري
مقدم من طرف منتديات العندليب

السلام عليكم و رحمة الله وبركاته

راهم كاينيين اكياس حرارية لتحمير الدجاج او اللحم
راهي الهدرة غير عليهم
في دارنا راهم يحمروا غير بيهم و الكيس الواحد 80 دينار
قالولي الجاج يتحمر كامل لون واحد و بلا ما تقلبيه في الفور
و يطيب زبدة
انا ما زال ما شريتوش راني معولة نشريه

شكون فيكم جرباتوا و كيفاش جاها الذوق



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هيه ملاح...و ماش للدجاج فقط...تقدري ديري فيهم البطاطا او خضر مقطعة وحدها او بالدجاج...
الذوق يجي هايل لانو النكهة كامل تبقى الداخل...و يجي طري..
جربيهم

__________________________________________________ __________

>>>> الرد الثاني :

اختي راهم هايلين بزاف
44444444444444444444

انا خطرة جاوني ضياف والله العظيم حطيت الدجاج من الكونجيلاتور في الأكياس مباشرة طبعا مع اضافة الصلصة

انا درت بصلة +ثوم +موتارد+ معدنوس +ملح + اعشاب للدجاج تباع هكذا +فلفل اسود

ودخلتهم 45د على درجة 200
في الوسط

كانت نتيجة رائعة جدا ويبقى الدجاج طري من الداخل والصلصة رائعة جدا



على فكرة هو يتباع باكي ب80 وفيه 8 اكياس

__________________________________________________ __________

>>>> الرد الثالث :

السلام عليكم
كيما قالو لك اخوات مش برك تحمير دجاج
حتى خضر
انا اخر وصفة درتها قطعت بطاطا شوي اخشن من نتاع غلي
وبسباس تقريبا بنفس الحجم وقطع صغير نتاع دجاج
وجدت ثوم مع كمون مع راس الحانوت
فلفل اكحل معندوس وهرستهم مع بعض ضفت لهم ليمون وزيت
وحطيتهم على خضار ودجاج ودرت ملح وخلطتهم كامل مليح
وحطيتهم فى كيس شواء
خرج رووووووووووووووووووعة حتى بنة دجاج مختلفة
لان شربت مليح من مواد اخرى
ان شاء الله تجربوها وتعجبكم
انا شريت باطة فيها 8 اكياس ب 110دينار احدى عشر الف

__________________________________________________ __________

>>>> الرد الرابع :

السلام عليكم ورحمةالله وبركاته
انا ايضا اضم صوتي الى اصواتهن
برك تبعي تعليمات الاستعمال الموجودة على العلبة
راهم عمليين انا جربتهم كذا مرة
جربيهم بلا ماتخافي
بالتوفيق

__________________________________________________ __________

>>>> الرد الخامس :

ana jarebthom w fihom anooaa bssah ana nchri 8b 8alaf