حصريا طريقة عمل الشخشوخة بالتفصيل المطبخ الجزائري
عنوان الموضوع : حصريا طريقة عمل الشخشوخة بالتفصيل المطبخ الجزائري
مقدم من طرف منتديات العندليب
]¤[ مدخــ,،ـل ]¤[لا اله الا الله........ محمدا رسول الله
هــــلآآآ و مليووون غ ــلآآآاليومـ ج ــــاآيبتلكمـ كيفة من مطبخ ــي
صبــآح ــكم / مســآؤكم ورد ج ـــوري
كيف آلح ـــآل ؟ آن شــآء آلله بخ ـــير وكل شي تماملع ــــــــيونكم
طريقة عمل شخشوخة الظفر
التح ـــــضير : في قصعة نحط السميد، شوية ملح و نبل بالماء
يلزم لعجينة تكون يابسة شوية
من بعد نعجنها مليح راح تتطرا من بعد
نكورها كور صغيرة
من بعد نقرصها تكون رقيقة
السمك حوالي 3-4 مم
نسخن الطاجين و نحط الخبزة لثواني معدودة و نقلبها
هكذا يلزم تبقى بيضاء
و هذي من جهة الثانية
نحطها في فوطة
و نلفها مليح و نغلق عليها في كيس بلاستيكي باه تبقى طرية و تجي ساهلة لتفتات
الطريقة القديمة تاخذي قطعة صغيرة و نفتتها باستعمال السبابة و الابهام، مملة لانه تلقائيا هذه القطعة راح تصير دائرة و تدخلي في دوامة معها
هكذا تكون فتيتات صغيرة
و هذي طريقة اخرى تجي ساهلة لتفتات بصح تغلب في القصان هنا نستعمل السكين و نعمل شرائح طويلة و رقيقة
كي نفتت نحصل على هذي
هنا نقطعها بعرض اكبر شوية حوالي 5 سم
و هذا شكلها و انا استعملت هذي الطريقة في تفتات ما تغلبني في القص و لا كي نفتت
هنا بعد ما كملت التفتات خليتها حتى تيبس نعرضها للشمس و في الشتاء نحطا فوق المدفئة ومرة على مرة نحركها
اليابسة تجي اطيب لانها تتشرب الكثير من المرق عكس الطرية
و هذي صورة اقرب
و الان نرجع للمرق نحط اللحم، بصل، الزيت، الملح و الفلفل الاسود
نقلي مليح من بعد نضيف الطماطم معجون
نقلي شوية و نزيد الحمص و الفلفل الحار من بعد نمرق و نخلي اللحم يطيب
هنا عندي الشخشوخة يبست نحطلها مغرف زيت و نفركها مليح بين يدينا
نحطها تفور
بعد ذلك نسومها ( نشطفها) على السريع نصفيها و نخليها تسقطر شوية و نفرغها في قصعة اللوح (خشب)
ناخذ شوية من زيت تاع المرق
نصبه على الشخشوخة و نفرك بيدينا حتى تتغلف كل الحبيبات
هكذا
نردها تفور للمرة الثانية و الاخيرة و بعد ما تفور نغليها في المرق حتى طيب
و هنا في صحن التقديم
شهية طيبة للجميع
إلى اللقاء أحبائي و إن شاء اللهيـكون ع ـجبكمـ الموضوووع ,,,انتظرونـــــــــ ,،ــــــي هناك المزيدتـح ـيـاتـي للج ـــــميع ,,,,
]¤[ مـ خ ـرج ]¤[,, سبحان الله وبحمده ........ سبحان الله العظيم]
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صحيتي اختي باين تخرج تشهي نجربها
__________________________________________________ __________
>>>> الرد الثاني :
بارك الله فيك الطبق يشهي ماشاء الله عليك
__________________________________________________ __________
>>>> الرد الثالث :
بارك الله فيك اختي حنا بعد ماتفور نجمروها في الاصوص حتى تاعك هايلة وبنينة وتشهي شكرا على المجهود الكبير اللي بذلتيه
__________________________________________________ __________
>>>> الرد الرابع :
ماشاء الله طبق يشهي بارك الله فيك
__________________________________________________ __________
>>>> الرد الخامس :
أنا جامي في حياتي كليتها مي ان شاء الله نجربها
رد مع اقتباس
