عنوان الموضوع : تارت السلق بالصور والتفصيل الممل طبق جزائري
مقدم من طرف منتديات العندليب

تورت السلق

نبداو بالعجينة
4كيلات فرينة+ كيلة مارغارين + ملعقة قهوة ملح + 3/4 كاس ماء فاتر

نعجن العجينة ونخليوها ترتاح

ومن بعد ما ترتاح حوالي ربع ساعة نقسمها الى قسمين النصف الاول نديرو بيه القاعدةوالثاني السطح
نحلها على سطح المائدة ونحطها في مول ونثقبها بالفرشيطة
ونحطها في فرن مسخن مسبقا



الخطوة الثانية
نغلي ربطة سلق في ماء مملح لمدة 5 دقائق


ثم نصفيه ونحطو في مقلة على النار مع ملعقتين زبدة + 2 فصوص ثوم + ملح + فلفل اكحل + جوزة الطيب
حتى ينشف من السوائل اللي فيه
ونتركه جانبا
الخطوة الثالثة بيشاميل
المكونات

2 مغارف لابال +2 مغارف فرينة+ سنة ثوم +ملح + فلفل اكحا + جوزة الطيب
تقلي الكل على النار مع الخلط ثم نضيفولها الفرماج والحليب
ونخلط حتى تخثار مليح
وتعود تشبه لبطاطا مرحية
(ملاحظة كون تعود البشاميل سائلة التورت تجي مبلولة)
الخطوة الرابعة
بعد ماتطيب العجينة اللي في الفرن نخرجها وندهنها بالموطارد

ومن بعد نخلطو البشاميل مع السلق اللي طيبناه
ونحطوه على العجينة ونزينوه بقطع من الفرماج


ونجيبو النصف الثاني من العجينة ونحلوه ونغطي بيه الحشو
ثم ندهنوها بصفار بيضة مع شوية حليب
ونزينوها بالسانوج

ونشعلو الفرن من الفوق برك خطراه كلش طايب الا العجينة الفوقانية
ويكون شكلها النهائي




منقوووووووول للفائدة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

؟؟؟؟؟؟؟؟؟؟؟؟؟؟؟؟؟؟؟؟؟؟

__________________________________________________ __________

>>>> الرد الثاني :



__________________________________________________ __________

>>>> الرد الثالث :



__________________________________________________ __________

>>>> الرد الرابع :

جزاك الله الف خير

__________________________________________________ __________

>>>> الرد الخامس :

وصفاتك دوما مميزة يا حياة ننتظر جديدك بارك الله فيك