عنوان الموضوع : جاوني ضياف على غفلة شوفوا واش درتلهم
مقدم من طرف منتديات العندليب

سلام حبيباتي اليوم جاوني ضياف على غفلة ولية عملت لهم لسقار هاذو ليه ليه و سامحوني مزال محطيت لوش العسل كاين لي يحبوا بالسكر الارطب انا نحبوا بالعسل و نذر فوقوا الكاوكاو مرحي يجي بنين باين منيش راح نلح نصور في طبق التقديم المهم تشوفوا الشكل فقط.......سامحوني محطيتش الوصفة لاني على عجلة لي تحب الوصفة تقولي ..........باي حنوناتي




وهذا يا لحباب غدايا






سلام يا لحباب سامحوني طولت عليكم ادا وين قعدت وكيما وعتكم حنوناتي الوصفة تع الصورة 1

2ونص كاس ماء
2 ملعقه كبيره حليب
نص كاس زيت
نص ملقعه صغيره ملح
يغلى على النار
2 كاس دقيق
تضاف دفعه واحده على الماء والحليب المغلي
6 بيضات وفانيليا وملعقة خل

وكيما قلتلكم حنوناتي نحط الماء و الحليب فوق النار كي يسخن نحط الدقيق دفعدة واحدة مع الخلط بسرعة

نواصل الخلط كدة عشر دقائق تلقايها ولاة عجينة كرة يعني متكونش سايلة (تنشف من الماء)

نحيها من النار ونخليها تبرد

نضيف لها البيض واحدة تلوة الاخرى مع الخلط الباتور يعني الخلاط

وبعد يا لعزاز حطيتها في جيب حلواني و سخنت الزيت مليح

و بالمقص نخرج طرف عجينة و نقص اوووووووووب طيح طول في المقلاة ههههههههه

ولي تحب ترشفوقها سكر او ديها بالعسل


و متلومونيش سعات نهدر بالعربية الفصحى سعات بالدارجة هههههههههههههههههه الله غالب الهدرة تروح و لي تحربها ترحعلى الخبر و بالهناء و الشفاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممم بصحتكم كل شي هايل الله يبارك

__________________________________________________ __________

>>>> الرد الثاني :

بصحتـــــــــــــــــــــــــــــــــــــكم

__________________________________________________ __________

>>>> الرد الثالث :

Baraka Allah fik arjou alwassafat fi zouj

__________________________________________________ __________

>>>> الرد الرابع :

يعطيك الصحة وقداش نكره ضيف الغفلة خاصة كي يكون براني ههههههههههههههه

__________________________________________________ __________

>>>> الرد الخامس :

السيقار هايل رانا نستناو في الوصفة