عنوان الموضوع : جواز البطاطا بالبذنجان على طريقتي طريقة جزائرية
مقدم من طرف منتديات العندليب

السلام عليكن اخواتي العزيزات البارح درت جواز بطاطا بالباذنجان مالا قلت نحطولكم تشوفوه
بسم الله
نحتاج تقريبا كيلو باذنجان نقطعوه دوائر ونغطوه بماء وملح باش كي نقلوه ميشربش بزاف الزيت
وتاني كيلو بطاطا مقطعة دوائر تاني
حبة طماطم و 2سنينات ثوم وفلفل اخضر حار
الطريقة ساهلة نقلي الباذنجان في الزيت او نشويوه في الفور

ونوجدو صوص طوماط برابيو الطوماطيش مع الثوم وزيدلها ويا ملح ورند وشويا توابل انا زدت الكمون والكروية والفلفل الاكحل وشويا زيت ونحطها فوق النار تتقلى ملييييييييييح

من بعد نزيدولها الباذنجان المقلي باش يتشرب بنة الصوص

من بعد نقلي البطاطا في الزيت

من بعد ما يتشرب الباذنجان بنة الصوص وبلا ما نحركوه بزاف لانو يتفتت هاهو كيفاش يكون

نزيدو البطاطا ونحركها مرة وحدة ونخلوها تتشرب تاني هي حولي 2 دقائق وهاهي واجدة

وهاذي صورة اقرب بصحتكم جوزو تاكلوها معايا

في المرة الجاية اذا حب ربي مالا نخليكم على خير باي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرااااااااا على الوصفة

__________________________________________________ __________

>>>> الرد الثاني :

مشكورررررررريعطيك الصحة

__________________________________________________ __________

>>>> الرد الثالث :

امممممممممممممممممممممممممم شهيتيني يعطيك الصحة

__________________________________________________ __________

>>>> الرد الرابع :

بصحتكم اختي يبان بنين

__________________________________________________ __________

>>>> الرد الخامس :

mmmmmmmmmmmmmmmm