غدايا اليوم... طبخ جزائري
عنوان الموضوع : غدايا اليوم... طبخ جزائري
مقدم من طرف منتديات العندليب
بسم الله
اليوم عملت الشاورما للغذاء و حبيت نحط طريقتي في إعدادها
1- نكونو غسلنا شرائح الداند و قطعناهم إلى قطع صغيرة نحطها في صحن نتبلهم بالملح، الفلفل اكحل، الكمون، الفلفل عكري، زنجبيل مطحون، 2-3 سنات ثوم مرحي، م ك موطارد، عصير نص ليمونة، 2 م ك خل، 2 م ك زيت زيتون نخلطهم مايح مليح نغطي الصحن بالورق الشفاف و نخليه في الثلاجة أنا نوجدو يوم من قبل.
نحتاجو أيضا لحبة بصل مقطعة بالطول + 2 سنات ثوم، حبة طماطم كبيرة مقشرة و مقطعة مكعبات‘ حبة فلفل حار و حبة طرشي مقطعين مكعبات و كمشة زيتون أخضر مقطع شرائح و التوابل الي حطيناهم في الداند.
نقلي البصل و الثوم في زيت الزيتون م ع التوابل تم نضيف الفلفل الحلو و الحار و نقلي شوية
ثم نزيد مكعبات الطماطم و نقلي الكل مع بعض و من بعد نحط شرائح الداند و نستمر في التقليب حتى تتحمر
و في الأخير نحط شرائح الزيتون و نقلب مليح ختى تتحمر جوانب شرائح الداند مليح ننزع من النار و ندردر عليعا معدنوس مقطع و يقدم بالخبز اللبناني والبطاطا المقلية و السلاطة بالصحة و العافية.
Photos-0103.jpg (10.8 كيلوبايت, المشاهدات 248) Photos-0105.jpg (11.0 كيلوبايت, المشاهدات 222) Photos-0109.jpg (11.6 كيلوبايت, المشاهدات 220)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصحنكم يعطيك الصحة
__________________________________________________ __________
>>>> الرد الثاني :
يعطيك الصحة باينة بنينة انا نديرها و نحبها بصح الاولاد يفضلو لاسكالوب مقليين بالبيض و الشابلير
مشكووووووورة
__________________________________________________ __________
>>>> الرد الثالث :
ممممممم بصحتكم اختي
__________________________________________________ __________
>>>> الرد الرابع :
بصحتك كوكة ، باينة بنينة تهبل و زيد الجاج راهو طاح في السوم خلي نديرو فيه حالة هههه
يسلم يديك طبق ساهل وبنين ، وعجبتني طريقة التقديم مع الفريت و الخبز العربي
إذا تحطيلي صحن نجي نتغدى راني بلافطور
__________________________________________________ __________
>>>> الرد الخامس :
بصحتك
بارك الله فيك
رد مع اقتباس
