عنوان الموضوع : **محجوبة المطلوع بال"corné de beef" من مطبخي** من مطبخي
مقدم من طرف منتديات العندليب




محجوبة المطلوع اممممممممممم شحال نحبها دايما نديرها و نحب نعاودها
و كل مرة كيفاش مرة عادية و مرة بالفيونداشي و مرة بالكورني دو بيف


أيا كي درتها المرة هذي بالكورني دو بيف قلت نشارككم الغدا نتاعي




نبدأ على بركة الله



المقادير: هي مقادير المحجوبة العادية راح نحطلكم نتاع 2 مطلوع

الحشو:

-حبة بصل متوسطة مرحية في الخشين
-2 حبات كبار طماطم حمرا مرحية خشين
-3 سنينات ثوم مرحية رقيق
-حبة فلفل حار مقطع دوائر رقيقة
-كمشة كسبرة خضرا مقطعة
-2 ملاعق زيت (هنا ديري في حسابك الكورني دو بيف راهو مزيت)
-ملح (ما تكثريش لأنو الكورني دو بيف مالح شوية)
-1 م ص فلفل أحمر حار مرحي و أخرى حلو
- 1 م ص راس الحانوت ( في الحقيقة ما نحبوش في المحجوبة بصح لأنو فيها لحم نديرو)
- 1 م ك هريسة حارة إذا كنت تحبي الحار
- نصف ملعقة كبيرة طماطم مصبرة (أنا مانحبهاش بزاف في أكلي نفضل الطبيعية)
- والكورني دو بيف حسب الرغبة أنا استعملت 4 ملاعق كبار

أخلطي كلشي مع بعض
الحشو تحبي طيبيه شوية فوق النار ثم خليه يبرد قبل ما تحشي بيه المطلوع


[IMG][/IMG]

[IMG][/IMG]

[IMG][/IMG]



العجينة:


-4 كؤووس متوسطين تاع القازوز سميد
- 5 م ص خميرة الخبز
- نصف م ص سكر
- 1 و نصف م ص ملح (حسب الرغبة)
- ماء دافئ للعجن

في قصعة ضعي السميد و احفري حفرة ديري فيها الخميرة و السكر و الملح ضفيه على جنب
ضفي الماء فوق الخميرة و حركي بيدك دائريا بلاما تلامسي الملح ثم اخلطي الكل مع إضافة الماء حتى تحصلي على عجينة طرية بلا ما تعجنيها خليها تختمر مدة نصف ساعة بعد ما تكوني غطيتيها ببلاستيك و فوطة من فوق
عندما تختمر ادلكيها جيدا و أرخفيها بالماء الدافئ دائما تكون طرية
ثم اقسميها إلى 4 كرات قرصي كل واحدة رقيقة بالسميد أو الفرينة و ضعيها فوق منديل و غطيها
ما تاخذش بزاف تخمار لأننا في وقت السخانة حوالي 10 د إلى ربع ساعة
تكوني سخنتي الطاجين نتاع الطين أو الحديد
و تبعي باقي الصور للحصول على المطلوع على شكل محجوبة


[IMG][/IMG]


[IMG][/IMG]

[IMG][/IMG]

[IMG][/IMG]


[IMG][/IMG]


[IMG][/IMG]



[IMG][/IMG]


و شهية طيبة للجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك ماشاء الله تسخف بصحتكم يعطيك الصحة

__________________________________________________ __________

>>>> الرد الثاني :

المشاركة الأصلية كتبت بواسطة oum ibrahim
الله يبارك ماشاء الله تسخف بصحتكم يعطيك الصحة

الله يسلمك شكرا لك على المرور الكريم عزيزتي

__________________________________________________ __________

>>>> الرد الثالث :

مممممممممممممممممممممممممممممممم روووووووووووعة يعطيك الصحة

__________________________________________________ __________

>>>> الرد الرابع :

المشاركة الأصلية كتبت بواسطة manel1977
مممممممممممممممممممممممممممممممم روووووووووووعة يعطيك الصحة

الله يسلمك عزيزتي شكرا لك على الرد الطيب

__________________________________________________ __________

>>>> الرد الخامس :

بصحتكم اختي شكرا