عنوان الموضوع : كسكس الغرب شوفو تحضير المطبخ الجزائري
مقدم من طرف منتديات العندليب




جمعة مبارك للجميع اليوم نويت باش ندير معروف و منها نوريكم طريقة كسكس تاع غرب اي سيدي بلعباس

بسم الله

اللحم و جزر و اللفت ابيض و جريوات احمر و حمص و قليل من بطاطا و كرافس و بصلة و طماطم حبة






نأخد قدرة نضع قليل من الزيت عادي




ثم نضع البصلة قطعيها الى قسمين و اللحم و نضع جزر و اللفت و جريوات احمر و البطاطا و نرابي طماطم و حمص نضعه في ساشي و نتقب ساشي و نضع ايضا كرافس






و نضع واحد حار و نزيد ملعقة فلفل اسود و احمر و سكنجبير و زعفران و عود قرفة و قليل من كمون و رقة من الرند و ملعقة كبيرة من كماطم مصبرة ماننسوش ملح





ثم نمرق بالماء الساخن و نخلها طيب مليح





ثم ناخد طنجرة صغيرة نضع قليل من زيت





نقطع حوالي اربع حباة بصلة رقيقة




و ديرها في غاز على نار متوسطة و خليها تتعسل مليح ديري قليل من ملح و اربع معالق كبار من ماء بارد و خليها دوب مليح





ثم ناخد كسكس انا اخترت هذا النوع رائع






اغسليه انا غسلته مرة واحدة لانه نظيف






ثم خليه ينشف مليح






ثم نضع قليل من ملح و زيت و نحله جيدا باليد




ثم نجيب قدرة نضع فيها ماء و ناخد ساشي تاع زبيب و نلسقها كما في صورة باش طيب في ماء و ماننسوش ايضا البيض نديروه يفيض تم باش نربحو الوقت






ثم نضع كسكس في كسكاس باش يفور




كسكس راه نضج مرة اولى






نحلوه بقليل من ماء ما تكثروش





وحلي كريات باليد وخليه ينشف شويا




ثم نفوره للمرة الثانية و اخيرة




و مين يفور نضع الزبد و هو ساخن باش دوب فيه و نضعه في زلافة











ها هي بصلة ناعنا طابت مليح




ثم نضع الحمص لي طاب في مرقة و زبيب ايضا و خليه يطيب مدة ثلات دقائق فقط




و هاهو كسكس نضج نضع كسكس ناشف في زلافة ثم نضع قليل من خضرة و نمرق و نضع خليط بصلة فوق مع اللحم و نقدموه مع اللبن و قليل من مرق كاين لي يحبه شوي جاري





اه نسيت زينوه كذلك بالبيض فايض











أتمنى عجبتكم طريقة كسكس و جمعة مقبول و ان شاء الله تكون نعم خير و نطلب من الله يغفرلنا و يحفضنا و يحفض اخواتي منتدى و ماتنسوش لي تحب تسأل راني هنا و كذلك تقييم ما نوصيكمش حباباتي



قبولات حارة لكم








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة مرأة ونص 10/10...حتى انا نديره بالزبيب بصح كنت نطيبه وحده في لمرقة ونسقي بيه فالأخير بصح طريقتك عجبتني بزآف ...قوليلي برك لحمص مين ديريها في ساشي ماتنحلش وطيب مليح ؟؟ ولا لازم تفيضيها قبل وحدها

__________________________________________________ __________

>>>> الرد الثاني :

المشاركة الأصلية كتبت بواسطة fati-es
يعطيك الصحة مرأة ونص 10/10...حتى انا نديره بالزبيب بصح كنت نطيبه وحده في لمرقة ونسقي بيه فالأخير بصح طريقتك عجبتني بزآف ...قوليلي برك لحمص مين ديريها في ساشي ماتنحلش وطيب مليح ؟؟ ولا لازم تفيضيها قبل وحدها


برك الله فيك حبيبة على كلام طيب شكرااا شوفي اختي ديري حمص في ساشي بلا ما تفيضيه غلقيها جيدا و تقبيها بإبرة و ديريها في قدرة تاع مرقة و خليه يطيب جيدا يخرج طايب رائع و ديريه مع زبيب و بصلة لي شفتيه في تحضير و شكراااا على سؤالك حبيبة

__________________________________________________ __________

>>>> الرد الثالث :

وصلتني الريحة من سيدي بلعباس لمعسكر
بصح أول مرة نسمع بفكرة البصل مشكورة

__________________________________________________ __________

>>>> الرد الرابع :

المشاركة الأصلية كتبت بواسطة hanane220
برك الله فيك حبيبة على كلام طيب شكرااا شوفي اختي ديري حمص في ساشي بلا ما تفيضيه غلقيها جيدا و تقبيها بإبرة و ديريها في قدرة تاع مرقة و خليه يطيب جيدا يخرج طايب رائع و ديريه مع زبيب و بصلة لي شفتيه في تحضير و شكراااا على سؤالك حبيبة

حنا ماما مخيطة كيس صغير من الكتان نسموه الفينة و دايرينه سبيسيال لل حمص يطيب فيه في المرق باه ما نضلوش نحوسو عليه و يطيب غاية الغاية كونك هانية
جربيه حنان بكيس صغير من الفينة و خليه يطيب في المرق عادي مع الخضار و إدعي لماما

__________________________________________________ __________

>>>> الرد الخامس :

44444444444444444444444444444444444444444444444
راكي شهتيييييييييينيني