عنوان الموضوع : الخبز الرقيق من الجنوب وبالطبط من ولاية ادرار طبخ جزائري
مقدم من طرف منتديات العندليب


كيفكم يالحراير هذا اول موضوع ليا في قسم الطبخ بما اني بعيد عن اهلي انا في الشرق وهما في الجنوب كلما نتوحش الاكلات انتاعنا وخصوصا اني نموت فيها ايا ساعة على ساعة نديرها اليوم عملت طبخة تقليدية وحبيتكم تشوفوها بالتفصيل وهي عبارة عن خبز الرقيق هكذا نسموه في الجنوبنا الكبيريشبه الشخشوخة والعجين يكون بالقمح الحر انتاع الصحرى واذا ماكانش نديروه بالسميد الرطب ونزيدلو شويا فرينة ونخليه يرتاح نصف ساعة والعجين يكون دقيق وملح وماء والصورة توضح
هذا الطاجين نحطوه يسخن ونديروله شويا زيت نوزعو عليه بالورق كرتون خشين وكي يسخن الزيد نرشه بشويا فرينة ونمسحه بها الطاجين وهكذا مايلصقش لنا الخبز









وهنا كيف ننزعها




وهاهي ليكم الخبز كي نقلبها من الجهة التانية بصح غير شويا ونحها مالازمش تحمار باش مايكون الخبز يابس

هاهي الخبزة


وهذا الصوص راه يطيب المرق عادي كيما انتاع الشخشوخة بصلة ولا2كبار مرحينة وحبة طماطم مرحية وثوم وشويا حمص واكيد هريسة وطماطم وتابل وحار

وهاهو ليكم الغذا وجد مرحبا بيكم



والله الصحن هذا كامل كملوه ولادي يكلوه لي قبل مانسقيه راني صورتلكم غير بالزربة والصور راهي داخلة بعضها وحدة مقلوبة ووحدة واقفة الله غالب يقولو يد وحدة ماتسقف نتمنى يعجبكم الموضوع واي سؤال رني هنا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تبارك الله عليك راكي شاطرة بصح وين راه عدس لبلاد وشوفي هاد الموضوع]

https://www.djelfa.info/vb/showthread.php?t=895722

__________________________________________________ __________

>>>> الرد الثاني :

مممممممممممم هذي شخشوخة وهذاك الخبز نقولولو الرقاق على حسي الصور يشهي يعطيك الف صحة وبصحتكم كامل

__________________________________________________ __________

>>>> الرد الثالث :

المشاركة الأصلية كتبت بواسطة ADRARI
تبارك الله عليك راكي شاطرة بصح وين راه عدس لبلاد وشوفي هاد الموضوع]
شكرا اختي لله غالب العدس ماكانش والحمص يقوم بالمهمة بارك الله فيك
https://www.djelfa.info/vb/showthread.php?t=895722

المشاركة الأصلية كتبت بواسطة soriaalg
مممممممممممم هذي شخشوخة وهذاك الخبز نقولولو الرقاق على حسي الصور يشهي يعطيك الف صحة وبصحتكم كامل

يسلمك حنونة

__________________________________________________ __________

>>>> الرد الرابع :

الله يبارك روعة ، مشكورة وبصحتكم

باينة باللي توحشتي اهلك وبلادك ، ربي يهنيك

__________________________________________________ __________

>>>> الرد الخامس :

بارك الله فيك