عنوان الموضوع : رولي الكفتة بالزيتزن والفرماج ....رائع وراقي طريقة جزائرية
مقدم من طرف منتديات العندليب


اخواتي ان شاء الله تكونو بخييييييييييييييييير
جبتلكم وصفة ساهلة ومعروفة وتحمر الوجه في العرضات والولائم وفعلا سااااهلة طوول
المقادير باينة كفتة ونكون مداوية == متبلة == ملييييييييييييييييح وكل وحدة وطريقتها و نحتاجو فرماج وزيتون والصور توضح



بعد ما نروليوها نلفوها في الالمنيوم ونسكروها مليح ونثقبوها بالكيردون وندخلوها الفور تطيب

مبعد كي تطيب نقسموها ونسشتفوها في بلا ونحطو في الوسط شومبينيو == فطر = مقلي في زبدة وثوم وملح وفلفل ومعدنوس

وفي الاخير نصبو مرق ابيض عليها لانو طيبناها ناشفة لازمها مرق باش تجي مليحة ومندية ونرشو شوية فرماج مرابي و معدنوس وتقدم

شفتو وش ساااهلة واكيد رااااقية نتمى تعجبكم وسلاااااااااااااااااااام
لا تنسونا بدعوة خير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

فعلااااااااا بنينة باذن الله راح نجربها

__________________________________________________ __________

>>>> الرد الثاني :

اممممممممممممممم تشهي حنونة

__________________________________________________ __________

>>>> الرد الثالث :

الله يبارك فيك سماح
روعة

__________________________________________________ __________

>>>> الرد الرابع :

وصفة ساهلة لكن لو وضعت المقادير يكون احسن؛ مثلا هل نضيف البيض مع اللحم ؟

__________________________________________________ __________

>>>> الرد الخامس :

حبيبتي جربي زيدي معاها بيض طايب ومقشر فالحشوة كي تطيب الكفة وتقصيها تخرج شكل بيض يهبل
درتها في رمضان جات تسخف

شهيتيني فيها ممممممممممممم