عنوان الموضوع : الحريرة الرمضاانية من مطبخي
مقدم من طرف منتديات العندليب

رحبا حبيت نمدلكم طريقتي في تحضير الحريرة تبعوني انا هادي طريقتي والحريرة تخرج هايلة نا نستعملها غير في رمضان و وفت الضياف اما سائر الاوقات الاخرى نعتمد طريقة اخرى
نحضر المكونات بصل وطماطم ممقشرة ولفت وجزر وكابويا وثوم وقصبر السر فيه لازم يكون ربطة مليحة وجديدة ولحم انا استعمل الخروف والدجاج

والتوابل طبعا وهي في الاول حرور كركم زعفران قرفة راس الحانوت فلفل احمر مش حار بابريكا ملح وسمن فاما زعفران


طريقة التحضير متعبة لكن النتيجة روعة نرحي البصل على شكل عصير في هاد الفرامة الصغيرة


وكدالك الطماطم مع اضافة القصبر وفصوص الثوم باش تتنكه

وهدا شكلهم بعد الفرم الناعم



ونحط السمن في قدر ونقلي اللحم والبصل مع رشة فلفل اسود ونضيف الطماطم والخضر وباقي التوابل ونقلي مليح ونضيف ربطة القصبر محكومة بخيط غدائي


ونستنى تغلي القدرة ونقص النار كامل ونغطي ونظبط ساعة الكوشة على ساعة وكي تكمل نزيد نص اخر


نزيد التشيشة تاع الزرع المتوسطة ونزيد نص ساعة اخرى


ومن بعد ننزع عود القرفة وربطة القصبر واللحم والخضر ماعدا حبة جزر نخلوها ونطحنو بالميكسور


ونضيفو اللمسة الاخيرة نحضر كروية وكمون وقصبر غير الزهر الابيض وقرفة مرحية ثوم زنجبيل فري وحرور ابيض و ماجي قو غير شوية وانا نستعمل صلصة الطماطم الجاهزة جومبو وكي ماكانتش عندي ستعملت تاع العلبة المركزة حليتها في ماء سخون وحطيت كل شي وفرمته وزدته للقدر وخليه يغلي خمس دقايق وضفي رشة من الحشايش تاع الحريرة وغسلي الجوا حار ووربطة قصبر و غليهم دقيقة وطفي خلاص جهزتي حريرة ممتازة



وهنا كي تحطيها زينيها بالحبق وفتتي فيها اللحم اللي طاب فيها وشرئح ليمون بالطبع وتقدري تقدمي معاها فلفل حار مشوي للي يحبو الحار


وقدميها مع خبز الدار او مقبلة
ملاحظة تقدري تديري الحمص مشمخ ومنقي من الالقشور ومقسوم على اثنين في صاشي واحزمي واثقبي وخليه يطيب ومن بعد كي تطحني وتكملي فرغيه فيها لكن انا نحبها بلا حمص
نتمنى تجربوها والله كي تطحنو الطماطم والبصل على شكل عصير تخرج النكهة مختلفة عن اللي تستعملوهم مسكرفجين او حبات كاملة عن تجربة لدا انا اعتمدها كي يكون عندي ضياف لانها ممتازة ولا اتم لطول تحضيرها المهم النتيجة روعة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الف صحة حبيبتي

__________________________________________________ __________

>>>> الرد الثاني :

روعة زهور طريقتك هايلة الحق حنا نديرو شربة الفريك ساهلة و فيسع طيب في الكوكوط طريقتك طويلة نوعا ما بصح وعلاه ماتستعمليش الكوكوطة رايحة تنقص عليك الوقت و السخانة خاصة مع رمضان في الصيف

__________________________________________________ __________

>>>> الرد الثالث :

يعطيك الصحة مليحة بزاف

__________________________________________________ __________

>>>> الرد الرابع :

المشاركة الأصلية كتبت بواسطة oum anas 69
روعة زهور طريقتك هايلة الحق حنا نديرو شربة الفريك ساهلة و فيسع طيب في الكوكوط طريقتك طويلة نوعا ما بصح وعلاه ماتستعمليش الكوكوطة رايحة تنقص عليك الوقت و السخانة خاصة مع رمضان في الصيف

طويلة لكن هدا هو القصد لازم تطيب على نار مهيلة بلا كوكوط ولوكان تطيب في قدرة تاع طين راح يكون المداق الد بكثير

__________________________________________________ __________

>>>> الرد الخامس :

بارك الله فيك راهي تشهي بصحتكم