عنوان الموضوع : كيفاه تحفظو وصفاتكم خبروني من مطبخي
مقدم من طرف منتديات العندليب

مساء الخير يا بنات
واش راكم لاباس
اليوم جيتكم و في راسي حاجة
قولولي كيفاه تحفظوروصفاتكم
يعني كي تعجبك وصفة تقرايها و تشديها في راسك و تبقاي شافية ..........حتى الحلويات ؟؟؟
و لا تكتبيها في كراس خاص بوصفاتك
و لا تطبعيها في ورقة ؟؟؟
و لا تحفظيها على جهاز الكمبيوتر ؟؟؟
راني نسقسي خاطر انا توخذت في وصفات كنت هازتهم في pc و كي فسد pc راح كلش
و الله وجعني قلبي تاع الصح
و كاين لي عاودت حوست عليهم و ما لقيتهمش




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا جد اسفة على ضياع وصفاتك انا صراتلي من قبل و ومن الخلعة هبطولي خطوط ماروكو .... و من يوومها اديتها كية و ليت نكتب كل الوصفات في كراس و نحط اسم صاحبتها و نرسم الشكل بالتقريب نتاع الحلوى و في نفس الوقت نحتفظ بيها في الميكرو راكي عارفة الصور ابلغ من الشرح و مع الوقت و تمرار الوصفة اكيد راح تحفظيها و الا خفتي تنساي اي عنصر ترجعي للكراس تتاكدي يعني الكتابة فيها فيها

__________________________________________________ __________

>>>> الرد الثاني :

السلام عليكم
انا كاتبة شويا فالكراس والوصفات اللي فيهم الخدمة في الخطوات جامعتهم في Document Word ومصغرة الصور ومعدلتهم وحاطتهم في الجهاز او تخلي نسخة في الجوال باش اذا انقطعت النت نصيبهم..

__________________________________________________ __________

>>>> الرد الثالث :

أنا عن نفسي : الوصفة اللي تعجبني ننسخها في word ونطبعها ونخبيها لاخاطر جمعت وصفاتي كامل في كلاسور ونظمت وصفات الحلويات وحدها المقبلات وحدها وهكذا
والملفات محتفظة بنسخة في الفلاش ديسك ونسخة في الميكرو باش إذا لاقدر الله راحو من الفلاش يبقاو في الميكرو

__________________________________________________ __________

>>>> الرد الرابع :

انا نكتبهم في الكراس خاص بالطبخ انا ننسى الوصفات لازم نكتب وما نعرفش نديرهم في الوورد

__________________________________________________ __________

>>>> الرد الخامس :

انا كي تعجبني وصفة نكوبيها في word ونحطها في الفلاش ديسك وفي الميكرو ونكتب في الكراس عندي تقريبا وحد 7 كراريس كل كراس قصماتو على 2 وكل قسم لحاجة exp قسم القراتان وقسم الكيك وقسم الحلويات للاعياد والمناسبات وقسم لكريمات وهكااا ومصورة في البورطابل اوسي