عنوان الموضوع : طاجين الزيتون على طريقتي طبخ جزائري
مقدم من طرف منتديات العندليب


كيف حالكن اخواتي العزيزات ان شاء الله تكونو بخير و الله يعاونكم على الكوزينة و يتقبل منكم الطاعات ااااامين يا رب

اردت اليوم ان اعرض عليكم طريقتي في اعداد طاجين الزيتون اللي على بالي بالي كلكن مبدعات فيه لكن لكل واحدة طريقتها ر ربما هناك من لها نفس طريقتي
المهم
اقوم بوضع الزيتون في اناء واملاه بالماء واضع معه ورقة رند واتركه يغلي فوق النار و اغير له الماء عدة مرات منها يطيب ومنها يتخلص من المرورية



ثم في اناء الضغط او الكوكوط اضع اللحم والبصل المفروم والزعفران و عود قرفة و قطعة زبدة و النجمة والملح او مكعب جومبو

و دون ان اقلي اغلق الكوكوت دون اضافة الماء المكونات يطيبو في المانتاعهم و لكن نقص النار يعني يطيب على نار جد هادئة ( واللي ما عندهاش تجربة وتخاف يتحرقلها تضيف قليل جدا من الماء وتنقص النار تماما ) كي نحس باللي اللحم طاب وطلق الما نتاعو اللي شكلي مرق قليل وعاقد نفتح الكوكوت نصيبه هكذا

ثم اضيف له حبات الزيتون اللي يكونو طايبين ونخلهم يغليو غي قد ما يطلقو البنة نتاع الزيتون في المرق ونطفي هكذا



ونقدروا نزينو بالبطاطا و المعدنوس وشهية طيبة




هذا الطبق اعددته البارحة و درت معاه الفوكاشيا الايطالية كانت ريحتها وبنتها شااابة بصح جاتني خشينة يعني سميكة بزاف لا ادري لما وجات معجنة شوي ربما المول صغير مع انني لم استعمل المقادير التي ذكرتها الاخت الكريمة سيرين انجل بل نقصت
وهذه صورها




و هنا زيدتلها شوي الطياب ههههههههههه



المهم في الاخير ارجو ان يكون طاجين الزيتون اعجبكم لان البارح ما بقى منه الا الصور اللي وريتهالكم الان


صح فطوركم حبيباتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرااااااااااااااا والله عجبتني فكرتك
تطيبي دون اضافة الماء
يعني بنة في بنة
نجربها ان شاء الله
قوليلي نقدر نبدل اللحم بالدجاج لخاطر مانحبش اللحم ....مانستبنوش في المرقة نشتيه مشوي او مقلي برك

__________________________________________________ __________

>>>> الرد الثاني :

امممممممممممممممممممممممم انا تاني ندير الفوكاتشا زوجي يحبها بزاف امممممممم صح فطورك

__________________________________________________ __________

>>>> الرد الثالث :

المشاركة الأصلية كتبت بواسطة batila137
شكرااااااااااااااا والله عجبتني فكرتك
تطيبي دون اضافة الماء
يعني بنة في بنة
نجربها ان شاء الله
قوليلي نقدر نبدل اللحم بالدجاج لخاطر مانحبش اللحم ....مانستبنوش في المرقة نشتيه مشوي او مقلي برك

الله يسلمك اختي
نعم تقدري تستعملي الجاج بدل اللحم
ولكن للحم ايضا طريقة جد جد بنينة اذا كنت تبغيه مشوي او مقلي تديريه بنفس الطريقة اللي قلت لك عليها لكن خليه يطيب حتى تحسي باللي الماء نشف ولكن حذاري تخليه حتى يتحرق كي تبدى تجيك ريحته الطيبة راح توجديه كي تحلي الكوكوط مقلي وطري بزاف بزاف وبنييييييييين امممممممممممممممم فكرتيني بيه و شهيتيني لكن بشرط في الكوكوط وعلى نار جد هادئة و بلا ماء

__________________________________________________ __________

>>>> الرد الرابع :

المشاركة الأصلية كتبت بواسطة nina daye
امممممممممممممممممممممممم انا تاني ندير الفوكاتشا زوجي يحبها بزاف امممممممم صح فطورك

الله يسلمك عزيزتي بصحتكم و صح فطورك

__________________________________________________ __________

>>>> الرد الخامس :

بارك الله فيك