عنوان الموضوع : كيفاش تمرقو و واش من توابل تستعملو,,,استشارة الى المحترفات من مطبخي
مقدم من طرف منتديات العندليب

السلام عليكم
حابة نعرف واش من توابل تستعملو و كيفاش تمرقو
انا كل خطرة كيفاه خطرة تجي مرقة بنينة خطرة لالا
انا كي نجي نمرق
بعد من نداوي طنجرة كيما نقولو و تتقلى شوي ,,,,لحم و بصل و توابل
نكون حطيت كمية تاع الماء لي حابة نتحصل عليها زايد كمية قليلة
و نحطها تغلي و نظيفلها مكعب جامبو او ماجي
ومن بعد نظيفها ضربة وحدة
و من بعد ما نضيفش الماء نهائيا و تنشف و تعقد مرة وحدة
و نتوما كيفاه ديرو ؟؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي فيما يخص التوابل كاين موضوع للأختfaizarbh
وهو لوصفات الشاف مصطفى بسعدي بإذاعة الشلف

https://www.djelfa.info/vb/showthread...post1052953213

جدول تفصيلي للتوابل:

في هاد الجدول نلقاو واش هوما التوابل المناسبين لكل أكلة
* إيلا كان طاجين مثوم: ملح ، فلفل أسود، قرفة،ذرة زعفران تاع الشعرة مطحون (فالاصل نديرولو ذرة كمون صغيرة ).

1/* إيلا كان مثوم بدون لحم أي faut mtawam ندير نفس التوابل و نزيد عليهم سكنجبير بودرة.

* شطيطحة لحم غنمي بيضاء : ملح، فلفل أسود،شوية قرفة، كبابة، و ايلا كانت باللحم البقري بدل الكبابة ندير الكروية .

* شطيطحة دجاج: ملح،فلفل أسود،قرفة، كروية،شوية بصل و نكثر الثوم .

* طاجين الزيتون بالدجاج: ملح،فلفل أسود أو أبيض،عود قرفة،شوية زعفران.

* طاجين الزيتون باللحم البقري: ملح،فلفل أسود، عود قرفة، زعفران، شوية كروية.
و ايلا كان لحم غنمي: شوية كبابة بدل الكروية.

* طاجين الكباب مرقة بيضاء: ملح،فلفل،زعفران،قرفة،سكنجبير طازج.

* طاجين الكباب بالمرقة بالجاج او بقري او غنمي ندير ذرة حبة طيبة بودرة.

2/* مرقة حمراء: ملح،فلفل،قرفة عود،فلفل عكري، فلفل ادريس ، كروية ، كبابة ، كركم ، شوية راس الحانوت ، كمون.

* شطيطحة لحم مرقة حمراء: ملح،فلفل،قرفة عود شوية كروية للبقري و للغنمي شوية كبابة .

* شطيطحة بالجاج مرقة حمراء: ملح،فلفل،فلفل عكري،كبابة و كركم و شوية فلفل ادريس.

* طاجين زيتون مرقة حمراء: ملح،فلفل،شوية راس الحانوت، فلفل عكري،نص حبة عصير ليمون.

*طاجين تاع الكوشة: لحم بقري او روتي أو جيقو أو دجاج: ملح، فلفل، جوزة الطيب.

* أي طبق غراتيني في الفرن: ملح،فلفل،شوية سكنجبير طازج،شوية جوزة الطيب.


__________________________________________________ __________

>>>> الرد الثاني :

شكرا اختي .....انا نتجنب التوابل بزاف ...على هادي نستعمل راس الحانوت . فلفل احمر و قصبر و زعفران
و طريقة التمريق كيما قلت مسبقا
ما ولت نستنى في احاباتكم

__________________________________________________ __________

>>>> الرد الثالث :

أنا تاني نحب نتعلم و ديما نطرح السؤال هذا ... ننتظر من محترفات الطبخ المساعدة
شكرا على الموضوع

__________________________________________________ __________

>>>> الرد الرابع :

Sah ana dima nhawass 3la tawabil li yathato fi kol okla w wachhal lazam ykoun marak
Baraka laho fiki okhti

__________________________________________________ __________

>>>> الرد الخامس :

سلام
مام انا نجتنب التوابل بزاف انا نستخدم بزاف رأس الحانوت والحرور والزعفران والكمون وجامبو بالنسبة للتوابل لخرين محبش نستعملهم اضافة الى الفلفة الحمراء كذالك نستعملها













صحا رمضانكم