عنوان الموضوع : طبق الباذنجان جد لذيييييييذ من مطبخي
مقدم من طرف منتديات العندليب


طبق جد لذيييييييييذ بالباذنجان(سيرتو اللي مايحبوش ياكلوه،ماتحسولوش كامل،ذوق راااائع)
نقطعوا الباذنجان شرائح طويلة نديرولهم شوية ملح و نقليوهم



و مبعد نعمروهم باللحم مفروم ولا دجاج مفروم اللي نكونو طيبناه من قبل (مع بصل+ثوم+معدنوس+ملح+ فلفل اكحل+كمون+شوية زيت)
ونزيدولو الفروماج فوق الدجاج او اللحم المفروم



و نروليوه=ندوروه كيما في الصورة
نستفوهم في بلاطو



من جيهة اخرى نسقيوهم بصوص تاع الطماطم اللي نكونو طيبناها من قبل(طماطم+كمون+فلفل اكحل+ملح+شوية زيت)،كلما تكون صوص خاثرة و بزاف طوماطيش كلما تكون بنينة
و نزيدو فوقهم البيض حسب الكمية اللي درتي و نطيبوه في الفرن

و نقدرو في بلاصة اللحم المفروم نديرو بطاطا مسلوقة اللي نتبلوها بالفلفل الاسود+كمون+فورماج+مغرفة زبدة و هادي اجي بنينة على تاع اللحم باسك تخلي البادنجان يجي طري
شهية طيبة

ملاحظة:للامانة الصور ماشي تاعي،اقتبستها من المنتدى،حطيتهم للتوضيح برك




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا هايل يعطيك الصحة

__________________________________________________ __________

>>>> الرد الثاني :

شكرا على الوصفة و تحية كبيرة على الامانة في الاقتباس

__________________________________________________ __________

>>>> الرد الثالث :

الله يبارك بارك الله فيك

__________________________________________________ __________

>>>> الرد الرابع :

مممممممممم

هاااااااااااااايل

__________________________________________________ __________

>>>> الرد الخامس :

المشاركة الأصلية كتبت بواسطة asmagirl90
شكرا هايل يعطيك الصحة

العفو عزيزتي
المهم تستفادو
شكرا على المرور المشجع