عنوان الموضوع : اريد الحصول على كيفية البوزلوف في الكوشة طبق جزائري
مقدم من طرف منتديات العندليب

السلام عليكم اخواتي اود ان اسال عن كيفية طبخ بوزلوف في الكوشة يقال انه بنين بزاف .
لمن لديها الوصفة ان تقدمها لي اليوم من فضلكن لانه اريد تحظيره اليوم ان شاء الله.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله وبركاته

حبيبتي شوفي بالنسبة للبوزلوف طيبيه اولا في الماء والملح اوفوريه كيما تحبي انا نحب نفورة باش ليدام تاعو كامل يهبط في القدر اللي فورت فيه ومبعد حطيه خليه يبرد شوية ونحيله العظام كامل بعدها حطي اناء ودوزني فيه الصلصة تاع البوزلوف اللي هي ثوم مدقوق+فلفل حار+فلفل اكحل +كروية +مقدار من الزيت+ملعقة طماطم مصبرة وشوية ماء خلطي كلش مع بعض ورمدي البوزلوف في الخلطة وحطي في اناء المطهى بعدها فرغي لاصوص اللي قعدت فوقه وقطعي المعدنوس من فوق ودخليه للفور
بقى التزيين مبعد من اختصاصك وشهية طيبة

__________________________________________________ __________

>>>> الرد الثاني :

كاين طريقة ديريها كيما لحم فلكوشة تجي هايلة انا نطيبو غي هاك سيرتو فلعيد مياكلوهش مرقة طيبي بوزلوف حتى يطيب مليح فصيه ملعظام مبعد وجدي التتبيلة ملح وفلفل اكحل وكمون ورند ادهني البوزلوف ورشيه بقطرات من الزيت لان يجي ميدم بزاف ودخليه للكوشة يتحمر يجي روعة

__________________________________________________ __________

>>>> الرد الثالث :

وكاين وصفة اخرى فلكوشةبوزلوف طيبيه فلكوكوطمع ملح وثوم ثم لما يطيب صفيه وقطعيه قطع صغيرة
ثم ديري بصل رقيق+ زبدة + ملح وفلفل اكحل + حبة طماطم مسكرفجةتقليهم + كاس ونص ماء + البوزلوف وتخلطي الكل وديريها في صينية تاع كوشة ودخليها حتى تنشف ثم نضرب 3 بيضات مع المخ والمعدنوس ونسقي الابوزلوف ودخليهم للكوشة حتى ينشف البيض وشهية طيبة نشا الله يعجبوك

__________________________________________________ __________

>>>> الرد الرابع :

انا نطيبو عادي في لكوكوط ومن ثم كي ينشف شوية من لصوص نديرو في الفرن يجي بزاف بنين

__________________________________________________ __________

>>>> الرد الخامس :

شكرا لكن اخواتي على هده الوصفات راني طيبتو وجا هايل