عنوان الموضوع : الى الرائعة ninafre و شكرا من مطبخي
مقدم من طرف منتديات العندليب

بارك الله فيك يا اختي
والله اليوم ما طيبتش عشاء و انا قاعدة ننقل في روائعك
الحقيقة انا هادي الايام اتوحم على الطياب وزيد كملتي انتي بوصفاتك الرائعة
سؤال فقط كيفاش عندك وقت باش اطيبي كل هدا وزيد مع الخدمة انظن
المهم ربي يعطيك ما تتمني والله عجبوني وانشاء الله انجربهم الكل



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله يا اختي اسمحلي على التدخل ولكن شفت نينا دخلت انا أيضاً من اشد المعجبات باطباقها وخاصة طاجين الجبن نموت عليه بصح دايما يجيني ثقيل ومالح ونا ساخفة باش نخدمو كيفهة نشالله يصدقلي وشكرا. مجددا.

__________________________________________________ __________

>>>> الرد الثاني :

شكرا ليك اانت ما دام انا كتبتو الكل عندكم الحق تدخلو
طاجين الجبن انا جربتو قداش من مرة و صلحلي غير 2 مرات انظن يكون خفيف كي درتلو الخبز المرحي في الخلطة الكل و شوية من ماء انتاع طياب الدجاج.
والملح ديري في بالك الجبن مالح والزيتون ثاني ديما نقصي الملح في المكونات الاخرى خاصة وهو خليط من حوايج معناها شوية ملح على شوية يطلع مالح.انا ما نيش خبيرة ياسر في الطياب

__________________________________________________ __________

>>>> الرد الثالث :

walahi cheft almawdo3 habit ancharkom les recettes dyal nina rawwwwwwwwwwwwwwwwwwwwwwwwwwwww33333333333333333a bezaf
ana djarabt chal men wasfa w nadjhin 100/100 wasafatha
rabi yahfadha w ybaraklha fi hyatha w fi waktha w yrzokha min hayto la tahtassib

__________________________________________________ __________

>>>> الرد الرابع :

و الله تقول دخلتي في قلبي أنا تاني في بالي اليوم ندير موضوع نشكرها فيه
على خاطر من رمضان و انا نجرب في وصفاتها راهم كامل هالين و مضمونين
جربت السوفلي راااائع
طاجين الجبن يههههههههبل
خبيزة الطون بالفرماج يجننننننننن
الدجاج في الأكياس تحححححححححفة
التحليات تاني ما عندي ما نقلك
خبز الدار واااااااااااااااااااااااااو
البسبوسة هاااااااااااااايلة
غراتان الباطاطا روووووووووووعة
...........................
بصح للأسف ما عنديش الوقت باه نصور و نديرهم في قسم التطبيقات
نقلكم جربو وعينيكم مغمضين
حقة صاحبة الموضوع أنا تاني ماما اسمها مريم؟؟؟؟؟؟؟؟؟؟؟؟؟
تسلمي نينا و ربي يعطك الصحة وما تحرميناش من ابداعاتك
تقبلو مروري أنا استغلالية ههههههههههه

__________________________________________________ __________

>>>> الرد الخامس :

اذا تحبوها ادعولها يرزقها ربي بالذرية الصالحة
ونهديكم هذاالملف لمجموعة دروسها
راهي غايبة ربي يردها على خير