عنوان الموضوع : رجاء المطبخ الجزائري
مقدم من طرف منتديات العندليب

ارجوكم ساعدوني يا محترفات كلما نعمل المطلوع يا يجيني ناشف كتكوني تاكلي فيه يحصل فلقرجومه يا جي طري ككون سخون و كيبرد يلوي يابس و ناشف المهم مطلوعي مشي شباب نتمنى نتعلم على يديكم وشكرا هذيك نهار حسبت روحي شاطره و سييت وصفة خبز ام أماني و طيبتو فلكوشه جا يابس و ناشف قالي راجلي لو كان غير تبعثيه لفلسطين يقاردو بيه ليهود.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حنونة كاين بعض الكويزينياغ يطولو اطياب و ينشفو الخبز والله اعلم
مين تخرجيه من الكوشة خليه يبرد شوية ولميه في قماش وضعيه في كيس

__________________________________________________ __________

>>>> الرد الثاني :

قولي لنا طريقتك ونشوفو الخلل


__________________________________________________ __________

>>>> الرد الثالث :

حبيبتي اذا على المطلووووع تاع الطاجين حنا نقولول لخميرة فناس بزاف مايديرولهاش الزيت وأنا ندير الزيت يعني مثلا كل قرصة مغرف زيت كبيرة وهكذا وزيد كي تعجني حاولي تجريه شوي برك يعني على حسب يدك ماتخليهش ناشف والخميرة كل قرصة بمغرف صغيرة خميرة ونشالله نكون أفدتك ومن الاحسن كيما قاتلك الأخت حطي طريقتك وحنا راح ننصحوك

__________________________________________________ __________

>>>> الرد الرابع :

نعتيك روسات هايلة بزاف بزاف مي كي تعمليها ترديلي كي جاتك عندك تنساي اولا 2علب تاع لابال معمرين مليح يعملو3 قرص كسرة لوحي عليهم 5مغارف خميرة ملعقة صغيرة هي تاع الكيل و3سكر والملح عادي متكونش مسوسة باه تحمار ومتكونش يابسة و3ملاعق زيت كبار عجني ايدا قادرة بتقطاع حتى تطلق العجينة كيما المسمن وتكون رطبةاو عجنيها شوي وتكون مبلولة شوي وهنا نقرلك بسري تلوحيها في ساشي مبلول بماء سخون وعصريه وهكاك سخون لوحي فيه العجين وربطيه تم بلي سارفيات حتى هي بهاداك الماء السخون او الغالي وعصريها ولوحيها على الساشي لي فيه العجين وزيدي وحدة شايحة بعد 30دجبديه وعجنيه ولوحيلو الماء السخون وعاودي الخطوة المهم العجين بعد الخطوات يشبه في عجين المسمن ولكن هو خميرة وقرصيهم وخليهم 10د يخمرو ولوحيهم بلشوي في التاجين خاطر كي تخبطيه في الطاجين يروح منو الطلوع والطجين يكون بطين تاع النسا لي خدموه خاطر هاداك تاع الطين لكهل يبس الكسرة وهادي تاني مهمةوقلبيها تاني بشوي وكي تبدا التطياب تقبيها والله والله يجيك مطلوع ولا بالاحلام ومتنسايش جربي وردي بالتوفيق

__________________________________________________ __________

>>>> الرد الخامس :

Chofi hanouna ana tani rani heelt kifek mai lgit lhal
diri hafna m3amra hdik ta3malek gorsa dirilha mogorfa sgira khemira wmogorfa sgira sokor wmelh tani wmogorfa kbira zit wa3ajeni wdiri tarigat sachi wlama tekhemer wt3awedi ta3ajni ki tkamli diri mogorfa zebda rah tkhalih tray wrawe3a