عنوان الموضوع : جديد ارز مع الكرنب المطبخ الجزائري
مقدم من طرف منتديات العندليب


عندي طبق جديد كرنب مع الارز من ابتكاري ههههه
المقادير:
الصلصة:
7ريشات كرنب كبار ،مقطعين رقيق جدا (مع نزع الوسط)
1بصلة صغيرة مرحية رقيق
1طماطم صغيرة مرحية
1/2 ملعقة صغيرة طماطم مصبرة
1/2صدر دجاج منزوعه العظم مقطع مكعبات.
زيت 4م ك، فلفل اسود1/2م ص،ملح.
للتقديم:كاس ارز مغلى مع 1/2 م ص كركم و رشة ملح ثم صفيه من الماء وضعيه جانبا.

التحضير :
في كسرونة نضع الزيت ،البصل ،الملح ،الفلفل الاسود،ومكعبات الدجاج نقليها جيدا ثم نضيف الكر نب ونخليه حتى يذبل جيدا على نار هادئة(ونقلكم سري باش يطيب بسرعة قبل وضع غطاء الكسرونة غطيها اولا بالالمنيوم (رح يحتفظلك بالحرارة والبخار ويسرعلك الطياب).)
من بعد نضيف الطماطم بنوعيهاونغلق عليها ، طبعا هذا مع اضافة كاس ماء للمرق ....نخليها مدة 10-15د المهم مايبقاش فيها بزاف المرق.
هذا شكلها بعد ما طابت

عندالتقديم :
خذي 1/3 كمية الصوص وارحيها في الميكسور .
ضعي الارز في صحن التقديم وفي وسطه كمية الصوص اللي رحيناها ...وزينيها على الجوانب بالصوص الغير مرحية .



وبصحتكم .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا اول وحدة نشجعك يعطيك الصحة راكي جايبتها

__________________________________________________ __________

>>>> الرد الثاني :

يعطيك الصحة والله فكرة مليحة وشاطرة لانك اخترعتيه
برافو عليك و بصحتك

__________________________________________________ __________

>>>> الرد الثالث :

يعطيك الصحة باين ينين

__________________________________________________ __________

>>>> الرد الرابع :

يعطيك الصحة يا مبدعة
فكرة جديدة
واصلي


__________________________________________________ __________

>>>> الرد الخامس :

بارك الله فيكم وربي يحفظم من شر انشاء الله
شكرا شككككككككككككراعلى تشجيعكملي