عنوان الموضوع : مرقة بوزلوف من اروع ما يكون بالصور المطبخ الجزائري
مقدم من طرف منتديات العندليب



تحياتي اخواتي وان شاء الله تكونو بخير

دائما اخواتي مع طرقي المبسطة و السهلة في الطبخ
اليوم عملت مرقة بوزلوف بقري وحبيت نفيدكم بطريقتي السهلة والشهية وان شاء الله تعجبكم
صورت اهم المراحل
نقطع البوزلوف قطع صغيرة ليست صغيرة جدااااا
نضعها في قليل من الزيت بصل ثوم توابل طماطم مصبرة حمص مشمخ


ونضيف لها الماء مقدار ما نغطي المكونات فقط
نصيحة
اي مرق لا تكثري له الماء القليل جدا يكفي لكن اطبخيه علي نار هادئة جدا راح يجيك طايب مليح وبنين لان كثرة الماء راح تصمت الاكل
المهم بعد ما اضفنا الماء كل شيء بارد في بارد نرفع قدرة الضغط كوكوت علي النار عندما تبدا تغلي نقفل عليها وننقص النار لادني حد وروحي اخدمي شغلك لمدة ساعة ونصف
بعد هدا الوقت تفقديها شوفي راح تلقايها من اروع ما يكون ضيفي لها معدنوس وفلفل وخليها 5 دقائق علي نار قويه مع مراقبتها وبالصحة والهناء
مع مراعاة نوعية اللحم ممكن يكون كبير يطلب وقت اكثر


هده هريسة وجدتها لرمضان ادا بقينا من اهل الحياة للي تحب الحار


ادا عجبكم موضوعي دعوة خير تكفيني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممم باين بنين راكي شهيتيني يعطيك الصحة

__________________________________________________ __________

>>>> الرد الثاني :

مممممممممممممممممممممم نموت عليه يعني الصحن ليا يشهي ام راضية يعطيك الف صحة خنونتي

و راكي غلطي باه تحطي تصاور الطبق تاعك في واش طيبتي اليوم حطتيه في موضوع التليتلي

__________________________________________________ __________

>>>> الرد الثالث :

المشاركة الأصلية كتبت بواسطة imene mimicha 05
اممممممممممم باين بنين راكي شهيتيني يعطيك الصحة

الله يسلمك حبيبتي الطبق لك بالصحة

__________________________________________________ __________

>>>> الرد الرابع :

بارك الله فيك

__________________________________________________ __________

>>>> الرد الخامس :

المشاركة الأصلية كتبت بواسطة اميرة في دنيا حقيرة
مممممممممممممممممممممم نموت عليه يعني الصحن ليا يشهي ام راضية يعطيك الف صحة خنونتي

و راكي غلطي باه تحطي تصاور الطبق تاعك في واش طيبتي اليوم حطتيه في موضوع التليتلي

راني تداركت الله غالب
بصحتك حبيبتي اميرة الكوكوت كلها ليك
ومشكورة علي مرورك حبيبتي