عنوان الموضوع : طريقة جديدة لطياب الارز من غير ما تفوريه او تغليه طبق جزائري
مقدم من طرف منتديات العندليب




السلام عليكم ولرحمة الله تعالى وبركاته

الارز كل واحد كيفاش يطيب وهاذي طريقة جديدة قاتلي عليها صديقتيوجربتها وعجبتني قلت نوريهالكم تستفادو معايا

الارز ما نغليه في الماء ولا نفور وانما نشمخ في الماء مثل الحبوب اللوبيا اوالحمص

في اليل نغسل الارز



ونحط في ماء سخون



وفي الصباح راح تلقيه طري

نحضر الصوص / نقلي نصف بصلة مع قطع دجاج مع 3 مغارف زيت مع ثوم مهرس بالتوابل مع 2 مغارف طماطم علب

وملح ونمرق بالماء نخليه يغلى شوي ثم نصب على الارز حتى يتغطى





ونحط في الفرن لازم نستعمل طبق بالغطاء او نغطيه بالبابي المنيوم



ومن بعد ربع ساعة نطل عليه نلقاه شرب الصوص نزيد شوي صوص شوي برك ونخليه يطيب وساعة ساعة نحرك

ونذوق على الملح ولازم يطيب على نار هادئة وراه يطيب بالخف



ويقدم مع الصوص لي خليناه طاب وحدو حتى يعقد





شوفي كيفاه كل حبة وحدها





المهم في الفكرة ان الارز يتشمخ كيما الحبوب والصوص دريه كيما تحبي وتقدمي معاه واش تحبي

نتمنى نكون افدتكم بفكرة جديدة وبسيطة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خرجلك يهبلللل يا ام ساجد يعجبوني افكارك رووعة عن جد

__________________________________________________ __________

>>>> الرد الثاني :

روووووووووووووووووعة أم ساجد وفكرة هايلة تسلمي انت وصديقتك شكرا وألف شكر

__________________________________________________ __________

>>>> الرد الثالث :

مشكورة حبيبتي تبان بنينة

__________________________________________________ __________

>>>> الرد الرابع :

المشاركة الأصلية كتبت بواسطة ميمنة الجزائر
خرجلك يهبلللل يا ام ساجد يعجبوني افكارك رووعة عن جد

المشاركة الأصلية كتبت بواسطة أم محمد تاج
روووووووووووووووووعة أم ساجد وفكرة هايلة تسلمي انت وصديقتك شكرا وألف شكر

المشاركة الأصلية كتبت بواسطة nadia7888
مشكورة حبيبتي تبان بنينة

بارك الله فيكم اخواتي والف شكر على المرور العطر

__________________________________________________ __________

>>>> الرد الخامس :

يعطيك الصحة