عنوان الموضوع : بطاطا بطاطا بطاطا طبخ جزائري
مقدم من طرف منتديات العندليب

السلام عليكم ورحمة الله وبركاته
هادي هي البطاطا اللي نحبها
بطاطا مقطعة شرائح متوسطة ماشي رقيقة بزاف ولا خشينة بزاف
بصلة متوسطة مقطعة + 3 سنات ثوم مقطعة+فلفل اخضر حار
لحم
ملعقة هريسة
3 حبات طماطم مرابية
كمون+كاري+زنجبيل


نسخن الزيت في الطنجرة ونشوح البصل والثوم والفلفل مدة نصف دقيقة

ثم نضيف البطاطا واللحم

وننقص عليهم النار يطيبو بعقلهم بهداك البخار وساعة على ساعة نقلب باش ميلصقوش

كي يذبالو نضيف الكمون والكاري والزنجبيل

ونخليهم يتحمصو معاهم شوي

ثم الطماطم وملعقة الهريسة

ونخليهم يزيدو يغليو مع بعض شوي

ثم نبدأ بإضافة الماء الساخن غير بالمغرف ونحرك كل مرة باش تجي بنينة

جيست تتغطى برك منكثروش الماء

ونخلوها تخثار ثم نضيف معدنوس مقطع أنا ملقيتوش درت دبشة
دوك نحط الصورة الاخيرة
هاي ليكم نسيت مصورتهاش حتى طارو بيهاصورتها وهوما قريب يكملوها




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممممم بلا ما تحطي الأخيرة باين يشهي

__________________________________________________ __________

>>>> الرد الثاني :

ربي يعيشك اختي تفضلي مدي يدك

__________________________________________________ __________

>>>> الرد الثالث :

تبان تشهي بصحتكم امممممممممممممم راكي شهيتيني

__________________________________________________ __________

>>>> الرد الرابع :

يعطيك الصحة

راهي تشهي علي شكلها

__________________________________________________ __________

>>>> الرد الخامس :

تبان بنينة يعطيك الصحة