**خبز هش من مطبخي لذييييذ** من مطبخي
عنوان الموضوع : **خبز هش من مطبخي لذييييذ** من مطبخي
مقدم من طرف منتديات العندليب
مرحبا بالجميع
أخواتي اليوم جبتلكم هاد الخبز اللي علمتهولي ماما ربي يجازيها كل خير و ملي كنت صغيرة و انا نديرو و نحبو بزاف و يجي هش و بنين صدقوني و التجربة خير دليل نتكم مع الوصفة سهلة و غير مكلفة
المقادير:
4 كؤوس (هادوك تاع اينوكس شوية كبار) فرينة
فنجان زيت
مغرف اكل و نص خميرة خبز
ملح
حبة طيبة ( زرارع الخبز)
للتزيين نحتاج حبة بيض و جلجلان
التحضير:
ندير الفرينة مع الزيت و ندخلها فيها مليح بيدينا ثم نضيف باقي المكونات و نخلط و نزيد الماء دافئ و نلمها و ندلكها مليح و نخليها ترتاح و تخمر .
بعدما تخمر نطلي الصينية تاع الفرن بالزيت و نرشلها شوية فرينة و نبدا نشكل في كويرات صغار شوية كبار على حبة البيض و نرصهم بهاد الشكل و نبعدهم شوية باش كي تخمر تولي خبزة دوك تفهمو قصدي .
هنا بعدما خمرت شوفو كيفاش ولات تلايمت هنا نطليها بالبيض و نرش عليها جلجلان او حبة طيبة
هادي درتها شوية صغيرة لخويا الصغير
ندخلهم لفرن مسخن من قبل و نزيدلها النار في البداية و غير نشوفها بدات تحمار انقصلها و نديها فالنص و نخليها اطيب على مهلها حتى تحمار
و هادا هو شكلها النهائي راهي اجي روعة نتمنى اجربوها و تردولي الخبر دايرة كيما لامونة ههههه
لا تنسوني من صالح دعائكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا سلام راني اول وحده ترد على المعلمه فايزه مصحتك وتبارك الله خرج هايل
__________________________________________________ __________
>>>> الرد الثاني :
يا عيني على فزفز يهبلللللل تقولي تاع برا
يسلمو حبيبتي فايزة
__________________________________________________ __________
>>>> الرد الثالث :
جاك رووووووووووووعة شهيتينا يعطيك الف صحة و جعله الله في ميزان حسناتك
__________________________________________________ __________
>>>> الرد الرابع :
يعطييييييييييييييك الصحة فييييييييييييوزة
__________________________________________________ __________
>>>> الرد الخامس :
أم مالفوز يعطيك الصحة
رد مع اقتباس
