خبز أم كوثر من مطبخي ليتباصت بيه الحركاتية ههه
عنوان الموضوع : خبز أم كوثر من مطبخي ليتباصت بيه الحركاتية ههه
مقدم من طرف منتديات العندليب
حاولت نجرب خبز أم كوثر بطريقتي وصورت الخطوات وقلت إذا نجح نحط الموضوع وإذا فشلت كذلك نحط تطبيق فاشل ههههههه مش مشكل كلنا نفشلو المهم هاي وصفة أم كوثر زدت حاجة وحدة فقط العجن عملت طريقة أم سامي ربي يجازيها كل خير عجنته في الروبو لاني كنت مستعجلة وزيد نكره الدلك والطريقة هاذي ساعدتني ياسر سواء في الخبز والمطلوع ولا في عجينة البقلاوة وماشابه المهم إليكم نسخ لطريقة أم كوثر ومقاديرها ثم الخطوات بالصور من مطبخي إحم إحم ....
المقادير:
2كيسان فرينة
2 كيسان دقيق
ملح عينك ميزانك
4 مغارف كبار زيت
مغرف كبيرة ونص خميرة الخبز
مغرف قهوةخميرة الحلويات
مغرف كبيرة ونص سكر
مغرف كبيرة لحظة اي حليب بودر
ونبل بالماء الدافئ
نعجن مليح مليح ونطريه حتى يعود يتلصق
نديرو في ساشي المبلول تع الاخت الوهرانية
ونخليه يخمر 45د
من بعد نشكل خبزات
ونرمدهم في الدقيق
وندير عليهم علامة بموس حاد
ونخليهم يخمروا حتى يتضاعف الحجم
نطيبهم ونحمرهم من فوق
شوفو الفرق بين قبل ما ندورها في الروبو وبعد تقول شبعتها دلك
شوفو وسومي مسكين معادش قادر يصبر أنا يصور وهو يلحق في روحه هههههههه باش يجبد نتمنى نكون وفقت في طرح الموضوع وماتعكككككوش ههههههههههه هاذي أول مرة لخطرة الجاية يجي خير إن شاء الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة يبان كيما القطن جا رووووعة
__________________________________________________ __________
>>>> الرد الثاني :
المشاركة الأصلية كتبت بواسطة meriama13 
يعطيك الصحة يبان كيما القطن جا رووووعة
__________________________________________________ __________
>>>> الرد الثالث :
تطبيق رائع بعطيك الصحة
__________________________________________________ __________
>>>> الرد الرابع :
ماشاء الله تبارك الله
خرجلك هااااااايل تقولي مشريي
يعطيك الف صحة نحيتي عليا غبينة كنت رح نعاودو ونصوروا لعيون اخواتي
بارك الله فيك
__________________________________________________ __________
>>>> الرد الخامس :
جااااااااااااااااااااااااااااااك روعة مكا ألي يعكي عليك هههههههههههه هاذي الكلمة تاع الغرب حنونة
رد مع اقتباس
