عنوان الموضوع : اول مشاركة ليا محاجب سخونين وحارين المطبخ الجزائري
مقدم من طرف منتديات العندليب

والله اليوم بعد تردد فلت ايا خلي انحط طريقة انتاعي في طياب المحاجب نتمنى تعجبكم الطريقة
اولا الكل يعرف يعجن المسمن عادي وانطيب الصوص عادي لا لحم ولاهم يحزنون محاجب حارين وسخونين بعد مالوزت المسمن انحلو ونلوح بالوحدة في الطاجين يعني انطيب وحدة غير تضربها السخانة ويتنحالها العجين تقلبيها بالخف ومن بعد ثم ثم تلميها في الوسط باه يتنحى العجين على الجوانب ومن بعد اتنحيها هكاك ملمومة واتغطيها بمنشفة بعد ماتطيبي نصف اللوزات او الكويرات تبداي في العمل تاخدي بالحبة وتحطي الحشو في الوسط وتغلقي عليها عادي ومن بعد اتحلي لوزة وحدة واتحطي المستطيل انتاعك في الوسط بحيث اكون الجهة اللي فيها الحشو الفوق باه انزيدة انغطوها وماتتحرقش واتلوحيها اتطيب هكا اختي الكريمة تضمني بلي المحاجب انتاعك مايبقاوش معجنين الداخل
وانخليكم مع الصور ونتمنى اكون الشرح كافي وانكون افدتكم تقبلو مني فائق الاحترام والتقدير




































نتمنى اني انكون وفقت ودعوة لبنتي بالشفاء تكفيني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاءالله محاجب يشهو يعطيك الصحة وان شاءالله نشوفو مواضيع اخرى من عندك

__________________________________________________ __________

>>>> الرد الثاني :

ماشاء الله يعطيك الصحه خدمتيهم روووووعه وبصحتك

__________________________________________________ __________

>>>> الرد الثالث :

تبارك الله عليك يشهييييييييومع الصباح :d:d:d

__________________________________________________ __________

>>>> الرد الرابع :

ما شاء الله رياحين يشهو ان شاء الله كي نديرهم نعتمد طريقتك عجبتني يعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة parfumdor1
ماشاءالله محاجب يشهو يعطيك الصحة وان شاءالله نشوفو مواضيع اخرى من عندك

شكرا حبيبتي نورتي