عنوان الموضوع : كباب بالجلبانة من مطبخي
مقدم من طرف منتديات العندليب

اخواتي لقيت هاد الوصفة في احد المنتديات وحبي ننقل هالكم
لكباب بالجلبانة و لجاج مقلي يم يمم

نحتاجو لقطع دجاج حسب أفراد العائلة

بطاطاحبة لكل فرد على قولة احدى الأخوات سياسة التمشتيق"

بصلة كبيرة و سنة ثوم و ورقة رند

جلبانة

معدنوس و 2 حبة بيض

ملح و فلفل أكحل و قرفة و زيت


نرابي البصل و الثوم و نقطع شوية معدنوس ونحط لجاج و الرند والزيت والتوابل نقلي 10د

نمرق بزوج كيسان ماء و نرمي الجلبانة

كي تبدا تغلي ننقص للفرن

نقطع البطاطا و نقليها

كي يطيب لجاج نصفيه

نضرب البيض مع المعدنوس المقطع و قرصة ملح و قرصة فلفل


نغطس قطعة نتاع الدجاج نمرغها مليح فالبيض ونقليها الزيت تكون سخونة ونكمل مع باقي القطع نتاع لجاج

كي يحمارو من الجهتين نصفيهم و نحطهم على ورق ماص

هذاك البيض اللي بقا نديروه فالطنجرة ونخلوها تغلي 2د و نطفي

عند التقديم نحط البطاطا المقلية نفرغ الصلصة اللي تكون خاثرة نحط الدجاج و نزين بالقارص



طبق شهي و يوالم للضياف


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرًا على الوصفه بارك الله فيك
بينى تشهي بصحتكم

__________________________________________________ __________

>>>> الرد الثاني :

هاااااايلة نفس طريقتي

__________________________________________________ __________

>>>> الرد الثالث :

اكلة لذيذة بوركتي حنونة

__________________________________________________ __________

>>>> الرد الرابع :

بارك الله فيك تشهي

__________________________________________________ __________

>>>> الرد الخامس :

باينة بنينة يسلم يداك