عنوان الموضوع : وصفة المقارونة بالبيشامال امممممم المطبخ الجزائري
مقدم من طرف منتديات العندليب
وصفة المقارونة بالبيشامل

طيبي كمية المقارونة اللي بغيتيها في شوية ماء وملح وزيت مليح وقطرها بلا ما تشليها بالماء وخليها
وجدي صوص خاثرة من طماطم وبصل وثوم ومعدنوس وتوابل وزيت وشوية ماء ولازم تكون عاقدة
لاصوص بيشاميل زبدة وفرينة وحليب وشوية ملح وفلفل اسود ومعدنوس وسنينة ثوم وفرماج وكي توجد وتصبح خاثرة نحيها على النار وخلطيها باش تبرد شوية وزيديلها 2 بيضات مع الخلط المتواصل باش ما يطيبش البيض
خلطي المقارونة مع الصوص طوماط اللي حضرتيه (اضافة اللحم للزيادة في البنة انا درت دجاج)
ادهني المول انتاعك بالزبدة وحطي بالترتيب مقارونة صوص بيشامال وهكذا حتى تكملي وتكون طبقة البيشاميل هي الاخيرة وزينيها بالفرماج قرويار وقطع زيتون و المعدنوس والى الفرن حتى تاخذ اللون البني الفاتح وراني دعمتها بالصور
وهذي النتيجة
وهذي انتاعي بالبورتابل وانتاع دار بابا بالكاميرا والذووووق
شهية طيبة وفي امان الله
ملاحظة **
تقدري اديري بنفس هذي الصوص انتاع البيشامال قرتان البطاطا وتجي رووووعة
البطاطا تكون مقلية دوائر وتبعي نفس الطريقة السابقة






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وااااااااااااااااي أنا اول رد


انا نحب بزاف القراتان نتاع les pâtes أصلا غير البارح برك تعشيتها مممممممممممم
يعطيك الصحة زهرة حبيبتي مواح


ملاحظة : الصحن راهو طار

__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

يعطيك الصحة زهورة تشهييييي اممممممممم

__________________________________________________ __________

>>>> الرد الرابع :

زهرة هرة حنونة باوك الله فيك ويأتيك الصحه امممممممممم

__________________________________________________ __________

>>>> الرد الخامس :

ممممممم يشهي يسلم يديك