عاداتنا في كل من المولد النبوي الشريف و كذلك الناير طريقة جزائرية
عنوان الموضوع : عاداتنا في كل من المولد النبوي الشريف و كذلك الناير طريقة جزائرية
مقدم من طرف منتديات العندليب
السلام عليكم أخواتي اليوم جبتلكم البعض من عاداتنا في كل المولد النبوي الشريف و كذلك الناير الذي يصادف 12 جانفي من كل عام عاداتنا في كلتى المناسبتين تتشابهفي المولد النبوي نديرو تقنتة صباح المولد
نديرو بركوكس للغذاء (للأسف ما صورتوش) و نديرو التريد لي يحب يسقيه بالمرق و لي ما يحبش كيما عائلتي نحطوه مع الشايفي الناير نديرو بركوكس – التريد و أيضا السفنج (هذا العام ما درناش ما لحقناش مع تقارب المناسبتين) و الاختلاف هو طبق بالبيض اسمه الخامر أو كاين لي يسميه المعقودة
و نديرو للأطفال خبيزات صغار و نزينزهم بالمكسرات و الحلوى على حساب واش كاينبلإضافة للمكسرات و التمر و التين المجففآسفة لأني ما صورش كلش التحضيرات (نصور بالبرتابل نتاع أخي أحيانا موجود في البيت و أحيانا لا) و كذلك اظطررت نمسح بعض الأجزاء من الصور لأنو في كل هذه التحضيرات كانت كاينة فوضى
نتمنى تعجبكم الجولة في منطقتي و إلى موضوع آخر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا حبيبتي يعطيك الصحةوكل عام وانت و كل الاهل بخير و ماشاء الله على الرقاق نتاعك
__________________________________________________ __________
>>>> الرد الثاني :
ينعاد عليكم بالخير واليمني والبركات
ومشكوره ع المجهود
__________________________________________________ __________
>>>> الرد الثالث :
يعطيك الصحة اختي والرقاق حنا نسميوه المفرمسة .
__________________________________________________ __________
>>>> الرد الرابع :
الله يعطيك الف صحة على الرقاق عجبتيني كيفاش درتيه
__________________________________________________ __________
>>>> الرد الخامس :
المشاركة الأصلية كتبت بواسطة user2010 
شكرا حبيبتي يعطيك الصحةوكل عام وانت و كل الاهل بخير و ماشاء الله على الرقاق نتاعك
مشكورة أختي و كل عام و انت و كل المسلمين بخير و عافية وبالنسبة للرقاق (التريد كيما نقولو احنا) هو لأمي ما نعرفش نديرو مليح
المشاركة الأصلية كتبت بواسطة بسمه العمر
ينعاد عليكم بالخير واليمني والبركات
ومشكوره ع المجهود
شكرررررررررا أختي و ينعاد علينا و عليكم بكل الخيرات
المشاركة الأصلية كتبت بواسطة ام اريام
يعطيك الصحة اختي والرقاق حنا نسميوه المفرمسة .
مشكورة جدا أختي (كنت نحوس دايما على التريد في الانترنت و كاش طرق و عفسات جداد و ما نلقاش و نقول ما كاش لي يدير التريد غير احنا و لا واش أتاري عندو أسماء أخرى شكرا أختي على المعلومة غادي نحوس عليه باسم المفرمسة)
المشاركة الأصلية كتبت بواسطة x ام رحاب x
الله يعطيك الف صحة على الرقاق عجبتيني كيفاش درتيه
الله يحفظك أختي هذه الطريقة نتاع ناس زمان اليوم سمعت بلي يديروه فوق الطاجين نتاع الخبز (مقلوب) و أيضا في الكوكوط (ينحولها يديها و يقلبوها فوق الطابونة ) بصراحة جربنا كل الطرق لكن يجي التريد يابس تبقى الطريقة القديمة هي الأفضل
رد مع اقتباس
