عنوان الموضوع : الكانيلوني بالتفصيل من مطبخي طريقة جزائرية
مقدم من طرف منتديات العندليب

السلام عليكم و رحمة الله
عيدكم مبارك سعيد اخواتي الله يدخلوا عليكم بالصحة والعافية وطول العمر والله يتقبل منا ومنكم صالح الاعمال والله يجعلنا من العتقاء من النار والله يكمل عليكم بالخير والله يسر اموركم كلها ويعطيكم كل ماتمناو عند ربي لحبيب
المقادير كل وحدة و عدد افراد العائلة كيما انا عملت لشخصين
لحم مرحي 250 غ
2حبات طماطم كبار مرحيين
بصلة مقطعة رقيق
ثوم و معدنوس
فرماج 2نوعين القريار لي ترحيه من فوق و لافش كيري شاف لي تحطيه في الحشو
طبيعة الحال الكانيلوني
ملح فلفل اسود زنجبيل راس الحانوت
بالنسبة ل لاصوص بيشاميل
ملعقة زبدة و 2 ملاعق فرينة ممسوحين و حليب و ملح وفلفل اسود و جوزة الطيب و الا حبيتي شوية كرام فريش
و نحتاجو لكاس حليب بارد
نبداو بسم الله
ندوبو شوية زبدة



و نقليو فيها البصلة و الثوم



كي يتقلاو نضيف الطماطم و نداوي بالتوابل



من بعد نضيف اللحم المرحي



نضيف الجزر



و نتركهم يطيبو بالماء تاع الطماطم ماتزيديش خلاص الماء كي يقرب ينشف نزيدولو المعدنوس و الجبن قطع رايح يدوب و يمد بنة



نوليو لاصوص بيشاميل واضحة من الصور بلاما نشرح









هاكدا الحشو ساجي و البيشاميل ساجية



نحشيو كامل الكانيلوني و نخليو كمية صغيرة من الحشو نحتاجوها من بعد



بعد ما ندهنو المول بالزبدة نستفوهم و نصبو البيشاميل عليهم بالكامل و من فوق نحطو هاداك الحشو لي خليناه



نرحيو من فوقهم القريار



و في الاخير نصبو عليهم كاس حليب بارد



و حطيها تطيب في فرن مسخن مسبقا و هادي بعد ما طابت







بالصحة و العافية و انشاء الله تجربوها و تعجبكم









>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا
اختي حتى انا شريت علبة كانيلوني حابة نطيبو اليوم
مي مشي لازم تغليه 15د قبل ما ديري الحشو و كي يغلي تحطيه في ماء بارد

__________________________________________________ __________

>>>> الرد الثاني :

mmmm ca dois etre tres bon merci a toi

__________________________________________________ __________

>>>> الرد الثالث :

المشاركة الأصلية كتبت بواسطة soussou_saida
شكرا
اختي حتى انا شريت علبة كانيلوني حابة نطيبو اليوم
مي مشي لازم تغليه 15د قبل ما ديري الحشو و كي يغلي تحطيه في ماء بارد

اختي انا موالفة نديرو يجي يهبل و مانغليه ماوالو
بصح كي نجي نطيبو نغطيه بالالمنيوم مليح و في الاخير نحي الالمنيوم و نحمر وجه الطبق من فوق
وننصحك ماتشريش نتاع دزاير ماش ملاحنتاع تونس هوما المخيرين

__________________________________________________ __________

>>>> الرد الرابع :

ya3tik elsaha okhti

__________________________________________________ __________

>>>> الرد الخامس :

الله إدومها نعمة