عنوان الموضوع : دجاج محمر في طنجرة الضغط مع بطاطا مشوية محشية المطبخ الجزائري
مقدم من طرف منتديات العندليب
اليوم طيبت للعشاء دجاج محمر في لاكوكوت
تقطعي حبة بصل و حبة طماطم و باقة معدنوس و 4 فصوص توم شرائح و نصف حبة ليمون مصبر
وجدت الدرسة درت فيها
ملعقتين من الزبدة
ملعقة طمامطم مصبرة
ملعقة معدنوس مفروم ناعم
ملعقة ثوم مجروش
ملعقة موتارد
ملعقة كمون
ملعقة بابريكا
ملح و فلفل أسود
شوية زيت و خلطت الكل جيدا
و مبعد دهنت بيه الدجاج ديالي تحت الجلد مشيتو مليح و في كامل النواحي
حطيت الكوكوطة تسخن فوق النار درت فيها الزيت ثم حطيت الدجاج و خليتو يتحمر مدة على نار قاوية
و مبعد دليت للنار و وضعت البصل و التوم و الطماطم و الليمون المصبر
وخليتو يطيب على نار هادية مدة ساعة و قبل ما طفيت أضفت الزيتون البنفسجي
من جهة غسلت البطاطا ديالي مليح و نشفتها
و غلفتها بالألمنيوم و وضعتهم في الفرن مدة ساعة و نصف حسب الحبة و درجة حرارة الفرن
كي يطيبو قسمي الحبة على اثنين نحي اللب خلطيلو الجبن الابيض و الكريم فراش و المعدنوس و الملح و الفلفل الأسود و الزبدة و عاودي رجعيهم في البطاطا و رشي الجبن في الفوق و حطيهم يطيبو في الفرن
و هذي بتزا المقلة عملتها بالزربة و رابيتلها البيض مع الجبن مع المعدنوس و الزيتون
و هذه السلطة لي درتها
ان شاء الله تعجبكم ماكلتي و ما تنساونيش بالردود و الدعاء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممممممممممممممممممممممممم اول وحدة ندي طبسي عن جد رووووووووووووعة كلشي
__________________________________________________ __________
>>>> الرد الثاني :
يشهي اممممممممممم بصحتكم
__________________________________________________ __________
>>>> الرد الثالث :
allah yebarek
bessahetekom
__________________________________________________ __________
>>>> الرد الرابع :
يسلمك ختي العزيزة راني نشوف في المنتدى فارغ على حساب الشوفة
الاخوات كامل راهم راقدين
__________________________________________________ __________
>>>> الرد الخامس :
من فضلك طريقة بيتزا المقلة