عنوان الموضوع : croissants et petits pains طبخ جزائري
مقدم من طرف منتديات العندليب

السلام عليكم ورحمة الله وبركاته

المقادير

1كغ فرينة
450غ ماء
30غ بودرة الحليب
20غ ملح
25غ خميرة الخبز
160الى180غ سكر
5غ محسن
30غ زبدة
100غ عجينة تخمير
حبة بيض
2مغارف قهوة فانيليا
500 غ زبدة او مارغرين توريق


اولا نقوم بتحضير عجينة التخمير ومن المستحسن تحضيرها يوم من قبل والاحتفاظ بها لحين استعمالها وهي متكونة من
500غ فرينة 10غ ملح 10 غ خميرة 60غ ماء
نقوم بخلط جميع المكونات مع بعضها البعض ونضيف الماء بشوية علجال كل فرينة كفاه تشرب ونقوم بعجنها بواسطة العجان حين نلاحط ان العجين لا تلتصق بجدران البيترا نقوم بنزعها ثم نقسمهاالى 2 كرات ونغطيها ببلاستيك ونضعها في الثلاجةنقوم بجعل زبدة التوريق كعجينة نضربها بالحلال او نضعها في البيترا بواسطة ال k ثم نقسم الزبدة على 2 ايضا وناخد ورق الطهي ونصنع مربع 20* 20 سم او 25 * 25 سم ونضع فيه الزبدة ونغلقة وبواسطة الحلال نخبط عليه حتى تتوزع الزبدة في جميع المساحة ونفع نفس الشيء بالنصف الاخر من الزبدة ونضعه في الثلاجة قمنا بعملية التقسيم على 2 لتسهيل العمل فقط باش ما تغلبناش نخليهم في الثلاجة حوالي 20 دقيقة او 10 في المجمد
عجينة الكرواسون نديرولها 3 tour simple ولا tour simple + tour double راني لقيت فيديو في النت تشرح كفاه
نخرج عجينة من الثلاجة ونفتحها2 مرات الكاري تع الزبدة منبعد نحط الكاري تع الزبدة في وسط اعجينة نغلق عليها ونخبط من فوق بالحلال ولازم نغلق باش ما تخرجش الزبدة منبعد نحل العجينة 3 مرات كاري تع الزبدة ونديرو تور دوبل يعني نجيب الجهة اليمنى واليسرى للوسط ونخلي في الوسط قيس صبع علجال راح نطويوها على 2 نديروها في الثلاجة 10 دقائق منبعد نفتحو العجينة بلعقل لازم نحادرو ما تخرجش الزبدة ونديرو تور سامبل لي هو نطوي العجينة على 3 شوفو الفيديو توضح كفاه نديرو التور ونخلوها في الثلاجة 10 دقائق نفس الشيئ نديروه للعجينة الثانية تقدرو مثلا عجينة تديرو بها كرواسون ولخرى بوتي بان
نجبد العجينة الاولى من الثلاجة ونديرو مستطيل تع 50سم على 36 سم وكيف كيف للعجينة الثانية منبعد نديرو مشلث تع 9 سم على 25 سم طول و البوتي بان 9 سم على 9 سم ونديرو شكل الكرواسون والبوتي بان ونديرو دورور شوية ملح مع حبة بيض ونخلوهم يطلعو حتى يدوبلا الحجم تاعهم يقعدو 3 ساعات ولا اكتر كي والو ونطيبوهم في فرن مسخن درجة 180 الى 200 كاش 10 دقائق
الفيديو اسمها recette des croissants et des pains au chocolat من site de patiss.com سامحوني ما نقدرش ندير روابط ماعنديش مشاركات بزاف


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة على الوصفة انا نموت عليهم مع الحليب .دمتي متالقة

__________________________________________________ __________

>>>> الرد الثاني :

baraka ellahou fiki

__________________________________________________ __________

>>>> الرد الثالث :

شكرا ربي خليك ان شاءالله

__________________________________________________ __________

>>>> الرد الرابع :

ya3tik assaha 3la had al wassfa
nantadir el mazid minik

__________________________________________________ __________

>>>> الرد الخامس :

يعطيك الصحة..