عنوان الموضوع : عزومتي خفيفة الهضم سريعة السرط طريقة جزائرية
مقدم من طرف منتديات العندليب

سلاموا و كيما داروا وحد الجماعة ثورات وحروب حتى داو اوسمة وبعد ولاو يضحكوا علينا حنا لي معندناش حتى وسام قررت و عزمت ندي وسام درت عرضيةام كوثر وسام وسام مكانش بديل راني من التعب منقدرش نوقف على رجلى ولا الثورة الانقلاب

نبداو بسم الله
فوحت البرم وخليتهم باتوا في البراد ونضت على 5 تع الصباح طيبتهم
درت المايزناز والفورماج اكيد تطبيقات بعد نحط الروابط



جاوني يهبلوا فرق كبير في الطعم لهومتي
طيبت الشمندر و نقيتوا وجتوا للسلاطةو قليت الكاوكاو




درك وقت الحلو درت 2 انواع قاطوا



ومن بعد وجدت حوايج القهوة وغطيتهم




نروحوا درك للتقديم

السلطة الكبيرة تع النساء والتانية تع الرجال


وهذا طاجين بالورماج والدجاج و المعدنوس فقط و التزيين زينتوا بالفرماج لي درتوا


و هذا نقولوا عين فلوس بالحم مرحي والعظام و لصوص بيضاء بالزتون الاخضر والشومبنيوا

و السلاطة مشوية حتى هي وجدتها قبل بنهار ; و حطيتها في الصحنة تاني يوم

هاه والجاري نسيت وصورتوش
و خبز كوشة جات تهبل تهبل خفيفة قطن
و هاي العزومة كاملة جاملة




ههههههههه متقلوش حطتهم فوق الفراش راني باه نصورهم برك هههههه نعرف كولومبوا راهوا هنا
و هاذي القهوة تع العشية




و هذا القاطوا تع بسومتي بعد نحطوا في قسم التطبيقات بالتفصيل


و كانت هادي عزومتي المتواضعة
ام كوثر وينك الوسام الوسام لا بديل تع العزومات تع الهزومات المهم وسام هههههه

ولا منستهلوش لبنات هيا وينك يا محبيني ادعموني في الثورة المطبخية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله عزومة بالطبع و الشأن يعطيك الصحة أمورة راكي شاطرة الله يبارك ..... شكون لي عاونك في الطياب والتقديم و الله بزاف عليك وحدك ... وراني معاك لازم أم كوثر تعطيك وسام الشطارة هههه سينو نغضب أنا ثاني .... بصح قوليلي وعلاه حقرتي سلاطة النساء دائما ماعندهمش الزهر ههههههههه

__________________________________________________ __________

>>>> الرد الثاني :

يم يم يم ماشاء الله رفعتي راس التراس قدام صحابو

__________________________________________________ __________

>>>> الرد الثالث :

المشاركة الأصلية كتبت بواسطة oum anas 69
الله الله عزومة بالطبع و الشأن يعطيك الصحة أمورة راكي شاطرة الله يبارك ..... شكون لي عاونك في الطياب والتقديم و الله بزاف عليك وحدك ... وراني معاك لازم أم كوثر تعطيك وسام الشطارة هههه سينو نغضب أنا ثاني .... بصح قوليلي وعلاه حقرتي سلاطة النساء دائما ماعندهمش الزهر ههههههههه

هههههههههه حبوبتي ربي يخليك ليا
لا لا السلاطةالمليحة راهي للنساء و لخرى للرجال ههه ضهروا هوما لمغابن الرجال مكانش غير شيخي و راجلي على هداك مقلقتش روحي
و زاد الرجال معندهم حاجة في التزيين المهم ماكلة بنينة و فرات

درت كلش كلش وحدي جاو لقاو كلش كلش واجد غير سخنت و حطيت



المشاركة الأصلية كتبت بواسطة dadou mascarienne
يم يم يم ماشاء الله رفعتي راس التراس قدام صحابو


ههههههههههه ددوشتي راهي الفاميليا تع راجلي ماشي صحابوا

منورتني يا وردتي

__________________________________________________ __________

>>>> الرد الرابع :

ماشاء الله عزومة راائعه بصحتك اختى بصح سلاطه تاع النساء هايله ههه
انتي كيما انا نحط لنساء التزيين الاحسن لاهم هما لينقبو على كل شيء ورجال ياكلو بنيتهم
شاطره الله يبارك ولازمك وساام


__________________________________________________ __________

>>>> الرد الخامس :

يعطيك الصحة وتستاهلي زوج اوسمة مش واحد برك
راني معاك في الثورة