عنوان الموضوع : الرخسيس من مطبخي
مقدم من طرف منتديات العندليب

السلام عليكم ورحمة الله وبركاته

ا

المقادير

1كغ سميد متوسط خاص بالعجين كما مولا ولا سيم
20غ ملح
20غ سكر
20غ خميرة الخبز
150غ زيت
30غ بودرة الحليب
حوالي 400غ ماء
شوية جلجلان+سانوج

نخلط السميد+الملح +بودرة الحليب+الزيت+السانوج والجلجلان ثم نضيف الخميرة والسكر+الماء باش ما تتلاقاش الخميرة مباشرة مع الملح والمادة الدسمة لانو هاد الزوج يخربوها نعجنوها مليح بالبيترا او اليد مبعد نشكلو كرات حوالي 400غ للواحدة ونخلوهم يرتاحو



ثم نحل بالحلال او اليد الكرات الى دائرة بسمك 7 مم وننغطوهم وخلوهم يخمرو كما المطلوع



كي يطلعو سخنو الطاجين على نار قاوية منبعد نداو نطيبو لما نحط واحدة تطيب غير تدير نبولات نقلبها منبعد ناخدو علبة كبريت ونجوزها على كامل المساحة بلا ما نضغطو باش تاخد لون واحد تع الطياب في كل الدائرة ومالازمش نحركو الرخسيس ولا نبقاو ىنمسو فيه باش ما تطيبش القشرة تاعها يابسة





شهية طيبة دعواتكم لي في الدراسة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



__________________________________________________ __________

>>>> الرد الثاني :

يعطيك الصحة نفس طريقتي فقط انا انديرو رقييييييييييييق

بارك الله فيك

__________________________________________________ __________

>>>> الرد الثالث :

نموت على كسرة الرخسيس هايلة

__________________________________________________ __________

>>>> الرد الرابع :

جامي كليتها غير سمعت بيها في المنتدى
مشكورة اختي

__________________________________________________ __________

>>>> الرد الخامس :

جاتك تهبل. هكدا نديرها انا يعطيك الصحة اختي